EU គ្រោងអនុវត្តពន្ធនាំចូល អង្ករកម្ពុជា ក្នុងសប្ដាហ៍នេះ
- 2019-01-16 02:38:39
- ចំនួនមតិ 0 | ចំនួនចែករំលែក 0
EU គ្រោងអនុវត្តពន្ធនាំចូល អង្ករកម្ពុជា ក្នុងសប្ដាហ៍នេះ
ចន្លោះមិនឃើញ
សហភាពអឺរ៉ុប (EU) ទំនងជាកំណត់ពន្ធនាំចូលអង្ករពីកម្ពុជា និងប្រទេសមីយ៉ាន់ម៉ា នៅក្នុងសប្ដាហ៍នេះ ដោយអនុវត្តរយៈពេល ៣ឆ្នាំ។ នេះបើយោងតាមការចុះផ្សាយរបស់សារព័ត៌មាន Reuters កាលពីថ្ងៃទី១៤ ខែមករា ឆ្នាំ២០១៩។
Reuters បន្តថា គណៈកម្មការអឺរ៉ុប អាចនឹងធ្វើការប្រកាសពីការចាប់ផ្ដើមយកពន្ធនាំចូលអង្ករពីកម្ពុជា នៅថ្ងៃសុក្រ ទី១៨ ខែមករា ឆ្នាំ២០១៩ ប្រសិនបើគ្មានការជំទាស់ពី ភាគីពាក់ព័ន្ធទេនោះ។
តាមសំណើរបស់គណៈកម្មការអឺរ៉ុប ការចាប់ផ្តើមឆ្នាំដំបូងនៃការយកពន្ធអង្ករកម្ពុជានេះ គឺ ១៧៥អឺរ៉ូ ឬប្រមាណ ២០០,៧៣ដុល្លារអាមេរិកក្នុងមួយតោន ហើយពន្ធនឹងមានការទម្លាក់ចុះបន្តិចនៅឆ្នាំបន្ទាប់ ដោយមកត្រឹម ១៥០អឺរ៉ូ នៅឆ្នាំទីពីរ និង ១២៥អឺរ៉ូ នៅឆ្នាំទីបី។
ការសម្រេចរបស់គណៈកម្មការអឺរ៉ុប ត្រូវបានធ្វើឡើងតាមសំណើរបស់រដ្ឋាភិបាលប្រទេសអ៊ីតាលី ដោយលើកមូលហេតុថា ដើម្បីកាត់បន្ថយកំណើនក្នុងការនាំចូលអង្ករ។
គណៈកម្មការដដែលបានបន្តថា កំណើននៃការនាំចូលអង្ករនេះ បានបណ្ដាលឲ្យប៉ះពាល់ដល់វិស័យអង្ករ នៅក្នុងទ្វីបអឺរ៉ុប ដែលដាំដុះនៅក្នុងប្រទេសចំនួន៨ នៅភាគខាងត្បូងទ្វីបអឺរ៉ុប គិតចាប់ពីប្រទេសព័រទុយហ្គាល់ លាតសន្ធឹងរហូតដល់ ប្រទេសប៊ុលហ្គារី៕