សម្តេច ហ៊ុន សែន ទស្សន៍ទាយថា វេណេហ្ស៊ុយអេឡា នឹងកើតសង្គ្រាម

2019-01-25 02:43:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន បានទស្សន៍ទាយថា ប្រទេសវេណេហ្ស៊ុយអេឡា នឹងកើតសង្គ្រាម ដោយសារមានការលូកដៃពីសហរដ្ឋអាមេរិក។ ការថ្លែងនេះ ធ្វើឡើងក្នុងពិធីសំណេះសំណាលជាមួយកម្មករជាង ១ម៉ឺននាក់នៅខេត្តកំពត នាព្រឹកថ្ងៃទី២៥ ខែមករា ឆ្នាំ២០១៩។

សម្តេច ហ៊ុន សែន ថ្លែងនាពេលកន្លងមក

សម្តេចលើកឡើងថា ក្នុងប្រទេសវេណេហ្ស៊ុយអេឡា នឹងមានការប្រយុទ្ធគ្នាជាមិនខាន ដោយសារសហរដ្ឋអាមេរិក បានប្រកាសគាំទ្រមេដឹកនាំបក្សប្រឆាំង ខណៈដែលប្រធានាធិបតីនៃប្រទេសនេះ គឺលោក លោក Nicolas Maduro ដែលបានឈ្នះឆ្នោតដោយស្របច្បាប់ នឹងមិនរាថយឡើយ។

សូមរំលឹកថា កាលពីថ្ងៃទី២៣ ខែមករា ឆ្នាំ២០១៩ លោក Nicolas Maduro បានប្រកាសកាត់ផ្ដាច់ទំនាក់ទំនងការទូតជាមួយសហរដ្ឋអាមេរិក និងទុកពេលឲ្យ ៧២ម៉ោង ដើម្បីឲ្យមន្ត្រីទូតអាមេរិកទាំងអស់ រើចេញពីប្រទេសមួយនេះ។

លោកប្រធានាធិបតីវេណេហ្ស៊ុយអេឡា បានបញ្ជាឲ្យពិនិត្យឡើងវិញពីទំនាក់ទំនងជាមួយអាមេរិក បន្ទាប់ពីរដ្ឋបាលលោកប្រធានាធិបតី ដូណាល់ ត្រាំ ប្រកាសទទួលស្គាល់មេដឹកនាំគណបក្សប្រឆាំង លោក Juan Guaido ជាប្រធានាធិបតីស្របច្បាប់របស់វេណេហ្ស៊ុយអេឡា៕

ចុចអានបន្ថែម៖ វេណេហ្ស៊ុយអេឡា ទុកពេល ៧២ម៉ោងឲ្យមន្ត្រីទូតអាមេរិក ចាកចេញ

អត្ថបទ៖ សំភី