ថៃ ឲ្យប្រាក់រង្វាន់ក្រុមជម្រើសជាតិខ្លួនប៉ុន្មាន ក្រោយធ្លាក់នៅវគ្គ១៦ក្រុម Asian Cup?

2019-01-25 08:09:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានសហព័ន្ធកីឡាបាល់ទាត់ថៃ លោក Somyot Poompunmuang បាននាំយកទឹកប្រាក់រង្វាន់ចំនួន ១០លានបាត ឬប្រមាណជាង ៣១ម៉ឺនដុល្លារអាមេរិក ឲ្យក្រុមជម្រើសជាតិថៃ ដែលបានឡើងទៅដល់វគ្គ ១៦ក្រុមចុងក្រោយ ពានរង្វាន់ AFC Asian Cup 2019 ដែលរៀបចំនៅប្រទេសអារ៉ាប់រួម។

Chanathip Songkrasin របស់ថៃ និយាយទៅកាន់កីឡាកររបស់អារ៉ាប់រួម ក្រោយបញ្ចប់ការប្រកួត នៅពាន Asian Cup 2019 កន្លងទៅ (រូបផ្ដលសិទ្ធិដោយ Reuters)

ទោះបីជាមិនអាចឡើងទៅដល់វគ្គ ៨ក្រុមចុងក្រោយក្ដី ក៏នេះជាជោគជ័យមួយសម្រាប់ក្រុមថៃ ដែលអាចឡើងដល់វគ្គ ចាញ់ធ្លាក់ ជាលើកដំបូង ក្នុងរយៈពេល ៤៧ឆ្នាំ សម្រាប់ពានរង្វាន់ AFC Asian Cup នេះ។

ពិធីប្រគល់ប្រាក់រង្វាន់ បានធ្វើឡើងកាលពីថ្ងៃទី២៤ ខែមករា ឆ្នាំ២០១៩ នៅទីស្នាក់ការសហព័ន្ធកីឡាបាល់ទាត់ថៃ ដោយប្រាក់រង្វាន់ ត្រូវបានផ្ដល់ជូនអ្នកតំណាង មានដូចជា លោក Sirisak Yodyardthai គ្រូបង្វឹកបណ្ដោះអាសន្នក្រុមជម្រើសជាតិថៃ, ព្រមទាំងកីឡាករ ៤នាក់ មាន Chanathip Songkrasin, Tanaboon Ketsarat, Adisorn Promrak និង Supachai Chaided ។

ពិធីផ្ដល់ប្រាក់រង្វាន់ឲ្យក្រុមជម្រើសជាតិថៃ នៅទីស្នាក់ការសហព័ន្ធកីឡាបាល់ទាត់ថៃ កាលពីថ្ងៃទី២៤ ខែមករា ឆ្នាំ២០១៩ (រូបថត៖ Bangkok Post)

សូមរំឭកថា ក្រុមថៃ បានបញ្ចប់នៅវគ្គសន្សំពិន្ទុ ពូល A ដោយឈរនៅចំណាត់ថ្នាក់លេខ២ និងឡើងទៅប៉ះក្រុមបាល់ទាត់ជម្រើសជាតិចិន ដែលបានយកឈ្នះថៃ ដោយលទ្ធផល ២-១ នៅវគ្គ ១៦ក្រុមចុងក្រោយ ពានរង្វាន់ AFC Asian Cup 2019៕

ប្រភព៖ Bangkokpost ប្រែសម្រួល៖ លាភ.