Tiger Street Football Festival 2019៖ រកឃើញជើងខ្លាំងទាំង ៩ក្រុម ប្រចាំមណ្ឌលបាត់ដំបង

2019-01-29 00:58:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ពានរង្វាន់ Tiger Street Football Festival 2019 ប្រចាំមណ្ឌលបាត់ដំបង បានរកឃើញជើងឯកហើយ ក្រោយឆ្លងកាត់ការប្រកួតយ៉ាងស្វិតស្វាញអស់រយៈពេល ២ថ្ងៃពេញ ពីថ្ងៃទី២៦ ដល់ ២៧ ខែមករា ឆ្នាំ២០១៩។

ក្រុម ស៊ាន ពិសិដ្ឋ បានក្លាយជាជើងឯកប្រចាំមណ្ឌលខេត្តបាត់ដំបង ក្រោយយកឈ្នះក្រុម Tiger Night ដោយលទ្ធផល ៣-០ នៅក្នុងវគ្គផ្ដាច់ព្រ័ត្រ។ ចំណែកនៅក្នុងវគ្គដណ្ដើមចំណាត់ថ្នាក់លេខ ៣ វិញ គឺក្រុម Fox Zone FC យកឈ្នះក្រុមការពារតំណែងជើងឯកចាស់ PCO FC ដោយលទ្ធផល ២-១។

សរុបក្រុមទាំង ៩ ដែលត្រូវឡើងបន្តទៅប្រកួតវគ្គ Grand Final នៅរាជធានីភ្នំពេញ រួមមាន៖

១- ស៊ាន ពិសិដ្ឋ

២- Tiger Night

៥ - Fox Zone

៧- PCO FC

៥. Norea Team

៦- យុវជនទួលតាឯក B

៧-ឌី ស៊ី ស៊ី

៨-ខ្លាចាស់ A

៩- Ochar FC

នាពេលរាត្រីនៃការប្រកួតនេះ ក៏មានការប្រគំតន្ត្រីផងដែរ ដោយមានការចូលរួមសម្ដែងពីតារាល្បីៗ ដូចជាលោក ព្រាប សុវត្តិ, កញ្ញា ឱក សុគន្ធកញ្ញា, កញ្ញា សួស វីហ្សា, លោក Zono លោក វង្ស ដារ៉ារតនា ក្រុមក្មេងខ្មែរ, កញ្ញា ឱក សុគន្ធកញ្ញា, DJ Maily , ក្រុម NRT និង MC Yaro។

ចំពោះប្រាក់រង្វាន់ប្រចាំមណ្ឌលបាត់ដំបង៖

១- ទទួលបាន ១ ៥០០ ដុល្លារអាមេរិក

២- ទទួលបាន ១ ០០០ ដុល្លារអាមេរិក

៣- ទទួលបាន ៥០០ ដុល្លារអាមេរិក

៤- ទទួលបាន ២០០ ដុល្លារអាមេរិក

ក្រុមជយលាភីទូទាំងប្រទេស៖

ក្រុមលេខ១៖ ១ ៥០០០ ដុល្លារអាមេរិក

ក្រុមលេខ២៖ ៥ ០០០ ដុល្លារអាមេរិក

ក្រុមលេខ៣៖ ២ ៥០០ ដុល្លារអាមេរិក

ក្រុមលេខ៤៖ ១ ០០០ ដុល្លារអាមេរិក

មណ្ឌលបន្ទាប់ពីបញ្ចប់នៅបាត់ដំបងមាន៖

មណ្ឌល ក្រុងប៉ោយប៉ែត ៖ មណ្ឌលនេះក្រុមខេត្តក្រុងប៉ោយប៉ែត ប៉ៃលិន និងបន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២, ៣ ខែកុម្ភៈ។

មណ្ឌល ខេត្តសៀមរាប ៖ មណ្ឌលនេះក្រុមខេត្តសៀមរាប ឧត្តរមានជ័យ ព្រះវិហារ និងកំពង់ធំមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៨, ៩, ១០ ខែកុម្ភៈ។

មណ្ឌល ខេត្តកំពង់ចាម ៖ មណ្ឌលនេះក្រុមខេត្តកំពង់ចាម ក្រចេះ ស្ទឹងត្រែង រតនគីរី មណ្ឌលគីរី ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី១៦, ១៧ ខែកុម្ភៈ។

មណ្ឌល ខេត្តកណ្ដាល ៖ មណ្ឌលនេះក្រុមខេត្តកណ្ដាល ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៣ ខែមីនា។

មណ្ឌល រាជធានីភ្នំពេញ ៖ ក្រុមនៅរាជធានីភ្នំពេញមានសិទ្ធិចុះឈ្មោះចូលរួមប្រកួត។ ប្រកួតថ្ងៃទី១៣, ១៤, ១៥ ខែមីនា។

ប្រកួតជុំផ្ដាច់ព្រ័ត្រទូទាំងប្រទេស ៖ ថ្ងៃទី១៦, ១៧ ខែមីនា នៅរាជធានីភ្នំពេញ។

អត្ថបទ៖ សុខ សុវត្ថិ