ប្រធានាធិបតីវេណេហ្ស៊ុយអេឡា ថាអាមេរិកចង់ធ្វើឱ្យប្រទេសលោក ក្លាយជាសង្គ្រាមវៀតណាមទី២

2019-01-31 04:22:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Nicolas Maduro ប្រធានាធិបតីនៃប្រទេសវេណេហ្ស៊ុយអេឡា បានចោទប្រកាន់ថា រដ្ឋបាលលោក ដូណាល់ ត្រាំ មានបំណងធ្វើឱ្យប្រទេសរបស់លោក ក្លាយទៅជាសង្គ្រាមវៀតណាម នៅអាមេរិកឡាទីន។ នេះបើតាមការបង្ហោះនៅលើបណ្តាញសង្គម Facebook និង Twitter របស់លោក Maduro កាលពីថ្ងៃទី៣០ ខែមករា ឆ្នាំ២០១៩ ដែលជាសារផ្ញើទៅកាន់ប្រជាជនអាមេរិក។

ផែនទីប្រទេសវេណេហ្ស៊ុយអេឡា

លោក Maduro បានអះអាងថា អាមេរិក គឺជាអ្នកនៅពីក្រោយខ្នងនៃការប៉ុនប៉ងធ្វើរដ្ឋប្រហារទម្លាក់រូបលោកចេញពីអំណាច។ លោកថា អាមេរិកកំពុងចង់បានប្រេងរបស់វេណេហ្ស៊ុយអេឡា ដោយយករូបមន្តពីការធ្វើអន្តរាគមន៍យោធា នៅក្នុងប្រទេសអ៊ីរ៉ាក់ និងលីប៊ី។

ថ្វីបើប្រទេសវេណេហ្ស៊ុយអេឡា កំពុងប្រឈមនឹងបញ្ហាជាច្រើន ប៉ុន្តែប្រជាជនអាចដោះស្រាយបញ្ហាទាំងនេះ ដោយខ្លួនឯងបាន។ «អាមេរិក ជាប្រទេសដ៏អស្ចារ្យ ហើយវាក៏ធំជាងលោក ដូណាល់ ត្រាំដែរ។ ខ្ញុំគ្រាន់តែស្នើឱ្យមានការគោរពវេណេហ្ស៊ុយអេឡា ហើយខ្ញុំត្រូវការការគាំទ្ររបស់អ្នក ដើម្បីជៀសវាងពីសង្គ្រាមមួយដូចនៅវៀតណាម»។ នេះជាការលើកឡើងបន្ថែមរបស់លោក Maduro៕