សម្តេច ហ៊ុន សែន៖ សុខទុក្ខរបស់បងប្អូន គឺជាសុខទុក្ខផ្ទាល់របស់ខ្ញុំ

2019-02-08 02:35:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

«សុខទុក្ខរបស់បងប្អូន គឺជាសុខទុក្ខផ្ទាល់របស់ខ្ញុំ ដែលខ្ញុំត្រូវតែការពារ មើលថែ និងជំរុញការកសាងប្រទេសជាតិ ឱ្យកាន់តែរីកចម្រើនទៅមុខជានិច្ច ដើម្បីជីវភាពរស់នៅរបស់បងប្អូនកាន់តែធូរធារល្អប្រសើរ»។ នេះជាការបញ្ជាក់របស់សម្តេចនាយករដ្ឋមន្រ្តី ហ៊ុន សែន តាមរយៈទំព័រហ្វេសប៊ុកនាព្រឹកថ្ងៃទី៨ ខែកុម្ភៈ ឆ្នាំ២០១៩។

រូបដែលសម្តេច ហ៊ុន សែន បង្ហោះនៅលើទំព័រហ្វេសប៊ុកនាព្រឹកថ្ងៃទី៨ ខែកុម្ភៈ ឆ្នាំ២០១៩

សម្តេចបានលើកឡើងថា ប្រទេសជាតិកាន់តែរីកចម្រើនទៅមុខជារៀងរាល់ថ្ងៃ ហើយអ្វីដែលសម្រេចបាននេះ គឺដោយសារការចូលរួមចំណែកពីប្រជាពលរដ្ឋ និងដៃគូវិស័យឯកជននានា ដែលមានជំនឿជឿជាក់លើសន្តិភាព និងទំនុកចិត្តដ៏រឹងមាំលើរាជរដ្ឋាភិបាល។

សម្តេច ហ៊ុន សែន អះអាងថា គណបក្សប្រជាជនកម្ពុជា ជាគណបក្សដ៏ខ្លាំងតែមួយគត់ ដែលបានរំដោះប្រទេសជាតិរួចផុតពីរបបប្រល័យពូជសាសន៍ប៉ុលពត។ «គណបក្សប្រជាជន គឺធានាដាច់ខាតមិនឱ្យសង្រ្គាមវិលមកលើទឹកដីកម្ពុជាសារជាថ្មីទៀតឡើយ ទោះបីដោយទម្រង់រូបភាពណាក៏ដោយ»៕