នាយករដ្ឋមន្ត្រីវៀតណាម នឹងយកឱកាសរៀបចំកិច្ចប្រជុំ ត្រាំ-គីម ដើម្បីទាក់ទាញវិនិយោគ

2019-02-13 02:43:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Nguyen Xuan Phuc នាយករដ្ឋមន្ត្រីវៀតណាម បានថ្លែងកាលពីថ្ងៃទី១២ ខែកុម្ភៈ ឆ្នាំ២០១៩ថា ការជ្រើសរើសប្រទេសវៀតណាម ធ្វើជាម្ចាស់ផ្ទះរៀបចំកិច្ចប្រជុំរវាងប្រធានាធិបតីអាមេរិក ដូណាល់ ត្រាំ និងមេដឹកនាំកូរ៉េខាងជើង គីម ជុងអ៊ុន ជាសញ្ញាវិជ្ជមានមួយ ដើម្បីទាក់ទាញការវិនិយោគបន្ថែម។

លោក Nguyen Xuan Phuc នាយករដ្ឋមន្ត្រីវៀតណាម

កាលពីសប្ដាហ៍មុន លោក ដូណាល់ ត្រាំ បានប្រកាសថា ជំនួបរវាងលោកនិងលោក គីម នឹងត្រូវធ្វើឡើងនៅក្រុងហាណូយ ប្រទេសវៀតណាម ចាប់ពីថ្ងៃទី២៧ ដល់ ២៨ ខែកុម្ភៈ ឆ្នាំ២០១៩។ នេះជាជំនួបកំពូលលើកទី២ រវាងប្រមុខដឹកនាំទាំងពីរ បន្ទាប់ពីកិច្ចប្រជុំកំពូលលើកទី១ បានធ្វើឡើងនៅប្រទេសសិង្ហបុរី កាលពីខែមិថុនា ឆ្នាំ២០១៨។

លោក Nguyen Xuan Phuc នាយករដ្ឋមន្ត្រីវៀតណាម បានមានប្រសាសន៍ថា ព្រឹត្តិការណ៍នេះនឹងបង្ហាញពីលក្ខណៈល្អប្រសើរសម្រាប់ការវិនិយោគ ជាពិសេសសន្តិសុខ និងសុវត្ថិភាព នៅវៀតណាម។ លោកបន្តថា ក្រុងហាណូយនឹងបង្ហាញពីតួនាទីរបស់ខ្លួន ដើម្បីឲ្យពិភពលោកកាន់តែស្គាល់ច្បាស់ពីប្រទេសអាស៊ានមួយនេះ។

ជំនួបលើកទី១ រវាងលោក ដូណាល់ ត្រាំ និងលោក គីម ជុងអ៊ុន នៅប្រទេសសិង្ហបុរី

សូមបញ្ជាក់ថា រដ្ឋមន្ត្រីការបរទេសវៀតណាម Pham Binh Minh បាននិងកំពុងធ្វើទស្សនកិច្ចនៅ កូរ៉េខាងជើង ចាប់ពីថ្ងៃទី១២ ដល់ ១៤ ខែកុម្ភៈ ដើម្បីត្រៀមរៀបចំជំនួបកំពូលខាងលើ៕

ប្រភព៖ Channelnewsasia ប្រែសម្រួល៖ លាភ.