កម្ពុជា បានចំណូលជិត ៩ម៉ឺនដុល្លារ ពីការផាកពិន័យជនបរទេសដែលស្នាក់នៅហួសកាលកំណត់

2019-02-15 03:32:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងមហាផ្ទៃ បានបញ្ជាក់ថា នៅក្នុងឆ្នាំ២០១៨ ក្រសួងបានផ្តល់ទិដ្ឋាការចូលប្រទេសជូនជនបរទេសចំនួន ២ ៧៨២ ២៩៧នាក់ ទិដ្ឋាការចេញចំនួន ៥៨១៥នាក់ និងទិដ្ឋាការបន្តរយៈពេលស្នាក់នៅចំនួន ៤៥៣ ៤៦៦នាក់។ ចំពោះអ្នកស្នាក់នៅហួសរយៈពេលកំណត់ ក្រសួងបានធ្វើការផាកពិន័យបង់ថវិកាចូលរដ្ឋ ៨៧ ៧៥០ដុល្លារ។

ដើម្បីទប់ស្កាត់ និងកាត់បន្ថយជាអតិបរមានូវជនបរទេសខុសច្បាប់នៅក្នុងព្រះរាជាណាចក្រកម្ពុជា ក្រសួងមហាផ្ទៃ បានផ្តោតការយកចិត្តទុកដាក់ខ្ពស់លើការងារស្រាវជ្រាវ ស៊ើបអង្កេត ស្វែងរកចាប់ខ្លួនជនបរទេស ដែលចូលមកស្នាក់នៅខុសច្បាប់ ស្នាក់នៅលើសរយៈពេលកំណត់ និងជនបរទេសមានពាក់ព័ន្ធនឹងបទល្មើសផ្សេងៗ។

ក្នុងរយៈពេលមួយឆ្នាំ ២០១៨ ក្រសួងបានរកឃើញ និងឃាត់ខ្លួនជនបរទេសល្មើសច្បាប់ចំនួន ១៣៤៨នាក់ មាន៥២សញ្ជាតិ និងបានរៀបចំនីតិវិធីបណ្តេញចេញពីកម្ពុជា។ គិតចាប់ពីឆ្នាំ២០១៤ មកដល់ពេលនេះ ក្រសួងបានបណ្តេញជនបរទេសល្មើសច្បាប់ចំនួន ១៥ ២៥៤នាក់ មាន៩១សញ្ជាតិ៕