គីម ជុងអ៊ុន គ្រោងជិះរថភ្លើងពីកូរ៉េខាងជើង ទៅវៀតណាម

2019-02-20 06:06:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មេដឹកនាំកូរ៉េខាងជើង លោក គីម ជុងអ៊ុន អាចនឹងប្រើប្រាស់មធ្យោបាយធ្វើដំណើរដោយរថភ្លើង ទៅកាន់ក្រុងហាណូយ ប្រទេសវៀតណាម ដើម្បីចូលរួមកិច្ចប្រជុំកំពូលជាមួយប្រធានាធិបតីអាមេរិក លោក ដូណាល់ ត្រាំ នៅសប្ដាហ៍ក្រោយ។ នេះបើយោងតាមការចុះផ្សាយរបស់សារព័ត៌មានជប៉ុន Kyodo ។

សារព័ត៌មាន Kyodo បានរាយការណ៍ថា មន្ត្រីជាន់ខ្ពស់កូរ៉េខាងជើង លោក Kim Chang-Son បានទៅត្រួតពិនិត្យស្ថានីយរថភ្លើងមួយកន្លែង នៅក្នុងទីក្រុងមួយដែលមិនត្រូវបានបញ្ចេញឈ្មោះ ដែលនៅជាប់ព្រំប្រទល់ប្រទេសចិន កាលពីថ្ងៃអាទិត្យ ទី១៧កុម្ភៈ។

បើពិតមែននោះ លោកគីម ត្រូវចំណាយពេល ៣ថ្ងៃ ដើម្បីធ្វើដំណើរតាមរថភ្លើងលើចម្ងាយផ្លូវ ៤០២៣គីឡូម៉ែត្រ ឆ្លងកាត់ប្រទេសចិន ទៅកាន់វៀតណាម។

រថភ្លើងរបស់មេដឹកនាំកូរ៉េខាងជើង

សូមរំឭកថា កាលពីខែមិថុនា ឆ្នាំ២០១៨ នៅក្នុងជំនួបជាមួយលោក ត្រាំ នៅសិង្ហបុរី លោក គីម បានធ្វើដំណើរតាមជើងហោះហើររបស់ក្រុមហ៊ុនអាកាសចរណ៍ Air China ។ យន្តហោះដែលបានដឹកមេដឹកនាំកូរ៉េខាងជើងនោះ គឺប្រភេទ Boeing 747 ។

កិច្ចប្រជុំកំពូលលើកទី២នេះ នឹងប្រព្រឹត្តទៅ ចាប់ពីថ្ងៃទី២៧ ដល់ ២៨ ខែកុម្ភៈ ឆ្នាំ២០១៨ នៅក្រុងហាណូយ ប្រទេសវៀតណាម៕

អត្ថបទទាក់ទង

ប្រភព៖ Vietnam Express ប្រែសម្រួល៖ លាភ.