AFF U22៖ កម្ពុជា ត្រូវប៉ះវៀតណាម ក្រោយចាញ់ថៃ នៅវគ្គប៉េណាល់ទី
- 2019-02-25 01:57:26
- ចំនួនមតិ 0 | ចំនួនចែករំលែក 0
AFF U22៖ កម្ពុជា ត្រូវប៉ះវៀតណាម ក្រោយចាញ់ថៃ នៅវគ្គប៉េណាល់ទី
ចន្លោះមិនឃើញ
ក្រុមកម្ពុជា នឹងប្រកួតជាមួយវៀតណាម ដណ្តើមយកចំណាត់ថ្នាក់លេខ៣ ក្រោយចាញ់ថៃ នៅវគ្គប៉េណាល់ទី ក្នុងពានរង្វាន់ AFF U22 LG CUP 2019 វគ្គពាក់កណ្តាលផ្តាច់ព្រ័ត្រ កាលពីយប់មិញ។
បន្ទាប់ពីចប់ ៩០នាទី និងការបន្ថែម ១៥នាទី២ដង កម្ពុជា និងថៃ បានត្រឹមលទ្ធផល ០-០ តែប៉ុណ្ណោះ។ ចូលដល់ការទាត់បាល់កាត់សេចក្តី ១១ម៉ែត្រ ខាងថៃ បានស៊ុតចូលទាំង ៥គ្រាប់ ខណៈកម្ពុជា ស៊ុត៤ដង ចូល៣គ្រាប់ និងមិនចូល១គ្រាប់។
លទ្ធផលនេះ បានធ្វើឱ្យថៃ ឡើងទៅវគ្គផ្តាច់ព្រ័ត្រប៉ះក្រុមឥណ្ឌូណេស៊ី ដែលបានយកឈ្នះវៀតណាម ១-០។
គួរបញ្ជាក់ថា ការប្រកួតបិទបញ្ចប់នៃពានរង្វាន់នេះ នឹងធ្វើឡើងនៅថ្ងៃទី២៦ ខែកុម្ភៈ ឆ្នាំ២០១៩ នៅពហុកីឡដ្ឋានជាតិ ដោយ៖
-កម្ពុជា Vs វៀតណាម ប្រកួតដណ្តើមយកចំណាត់ថ្នាក់លេខ៣ នាម៉ោង ៣កន្លះរសៀល
-ថៃ Vs ឥណ្ឌូណេស៊ី ប្រកួតដណ្តើមពានរង្វាន់ នាម៉ោង ៦កន្លះយប់៕