ប្រទេស ៣ ក្នុងលោក ដែលបិទ Facebook មិនឲ្យពលរដ្ឋប្រើប្រាស់
- 2019-02-26 02:09:03
- ចំនួនមតិ 0 | ចំនួនចែករំលែក 0
ប្រទេស ៣ ក្នុងលោក ដែលបិទ Facebook មិនឲ្យពលរដ្ឋប្រើប្រាស់
ចន្លោះមិនឃើញ
Facebook ជាបណ្ដាញសង្គមដ៏មានឥទ្ធិពលមួយ ដែលអាចចែករំលែកព័ត៌មាន និងភ្ជាប់ទំនាក់ទំនងទៅកាន់មិត្តភ័ក្ដិ សាច់ញាតិគ្រប់ទីកន្លែង។ យ៉ាងណាមិញដោយឈរលើហេតុផលអវិជ្ជមាន ប្រទេស ៣ បានបិទបណ្ដាញទំនាក់ទំនងសង្គមដ៏ធំមួយនេះ មិនឲ្យដំណើរការបានក្នុងប្រទេសខ្លួន។
ប្រទេសទាំង៣ នោះ មានដូចខាងក្រោម៖
១. ចិន
រដ្ឋាភិបាលចិន បានសម្រេចបិទ Facebook កាលពីឆ្នាំ ២០០៩ បន្ទាប់ពីមានសកម្មជនមួយក្រុមប្រើប្រាស់គេហទំព័រនេះ ដើម្បីផ្លាស់ប្តូរព័ត៌មាន និងជាហេតុបង្កើតឲ្យមានកុបកម្មសម្លាប់មនុស្សនៅស៊ីនជាំង។ បច្ចុប្បន្ន Facebook អាចប្រើប្រាស់បានតែក្នុងតំបន់ពាណិជ្ជកម្មសេរីនៅទីក្រុងសៀងហៃមួយគត់។
២. កូរ៉េខាងជើង
កូរ៉េខាងជើង ជាប្រទេសដែលបានបិទចោលបណ្តាញសង្គមក្នុងរយៈពេលយូរជាងគេបំផុត ធៀបនឹងបណ្តាប្រទេសដទៃ។ ពលរដ្ឋនៅកូរ៉េខាងជើងគ្មានសិទ្ធិសេរីភាពពេញលេញក្នុងការភ្ជាប់ទៅកាន់ប្រព័ន្ធអនឡាញនោះទេ ដោយកន្លងទៅទីភ្នាក់ងារសារព័ត៌មានរុស្ស៊ី TASS ក៏រាយការណ៍ថារដ្ឋាភិបាលក្នុងទីក្រុងព្យុងយ៉ាងបានហាមឃាត់មិនឲ្យជនរួមជាតិប្រើប្រាស់ទាំង Facebook និង Twitter។
៣.អ៊ីរ៉ង់
ប្រទេសអ៊ីរ៉ង់ បានហាមឃាត់មិនឲ្យមានការប្រើប្រាស់ Facebook នាឆ្នាំ ២០១៩ ឆ្លើយតបនឹងការចលាចលផ្នែកនយោបាយទាក់ទងនឹងបញ្ហាព្រំដែន៕