Son មានបច្ចេកទេសខ្ពស់ដល់ថ្នាក់នេះ ទើបអ្នកគាំទ្រហៅ "Sonaldo”

2019-04-06 07:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករ Heung Min Son ត្រូវបានអ្នកគាំទ្រទាំងនៅអាស៊ី និងអឺរ៉ុប ជាពិសេសអ្នកគាំទ្របាល់ទាត់អង់គ្លេស បានដាក់ឈ្មោះក្រៅថា "Sonaldo" បន្ទាប់ពីរូបគេចាប់ដៃជាមួយខ្សែប្រយុទ្ធឡើងជើង Harry Kane បង្កព្យុះភ្លៀងដល់ក្រុមគូប្រកួត ទាំងនៅអង់គ្លេស និងជម្រើសជាតិ ក្នុងរយៈពេលពីរបីឆ្នាំ ចុងក្រោយនេះ ។

Son អបអរពេលស៊ុតចូល | រូបភាព៖ goal

កីឡាករពាក់អាវលេខ ៧ ទាំងជម្រើសជាតិ និងក្លឹបរូបនេះ ត្រូវបានគេសង្កេតឃើញថា មានបច្ចេកទេសខ្ពស់ក្នុងការគ្រប់គ្រងបាល់ ចែកបាល់ឲ្យមិត្តរួមក្រុម និងសម្រេចទី ដែលអាចចាត់ចូលជាកីឡាករលំដាប់ពិភពលោក។

ទោះរូបគេមិនបានធ្វើស្ទាយអបអរគ្រាប់បាល់(ហ្ស៊ូៗៗ..) តាមតារាក្នុងចិត្តរបស់គេ Cristiano Ronaldo ក៏ប៉ុន្តែមានកាយវិការមួយចំនួន ពេលដែលគេស៊ុតចូល ក៏មិនអាចគេចផុតពីក្រសែភ្នែកអ្នកតាមដានបានឡើយ។

Son ពេលប្រកួតពាន Asian Game 2018 ប៉ះជប៉ុនវគ្គផ្តាច់ព្រ័ត្រ | រូបភាពផ្តល់សិទ្ធដោយ៖ router

ជាមួយនឹងទេពកោសល្យពីកំណើត បូកនឹងការខិតខំហ្វឹកហាត់ Son បានជួយឲ្យកូរ៉េខាងត្បូង យកឈ្នះជប៉ុន ទទួលបានមេដាយមាសក្នុងពានរង្វាន់ Asian Game 2018។ រូបគេបានឈ្នះពានបុគ្គលជាច្រើន ដែលមានត្រួសៗដូចជា កីឡាករល្អបំផុតប្រចាំប្រទេសកូរ៉េខាងត្បូង ៣ ដង(២០១៣,២០១៤ និង ២០១៧) កីឡាករល្អបំផុតប្រចាំទ្វីបអាស៊ី ៣ ដង(២០១៤, ២០១៥ និង ២០១៧) ឈ្នះពានអ្នករកគ្រាប់បាល់បានច្រើនជាងគេនៅ FA Cup រដូវកាល ២០១៧-២០១៨ និងឈ្នះពានគ្រាប់បាល់ល្អបំផុតនៅ PL ប្រចាំខែវិច្ឆិការ ២០១៨ ផងដែរ។

Son បានក្លាយជាកីឡាករថ្លៃជាងគេនៅអាស៊ាន ហើយថ្មីៗនេះ Son ក៏បានក្លាយជាកីឡាករសញ្ជាតិកូរ៉េខាងត្បូងដំបូងគេ ដែលអាចរកគ្រាប់បាល់បាននៅកីឡដ្ឋានថ្មីរបស់ Spurs ថែមទាំងផង៕

ចង់ដឹងច្បាស់ទស្សនាបច្ចេកទេសរបស់ Son ខាងក្រោមនេះ៖