សម្តេច ហ៊ុន សែន ចង់ឱ្យជនជាតិខ្មែរ ក្លាយជាសេដ្ឋីកាន់តែច្រើនទៅៗ

2019-04-10 01:54:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន បានបញ្ជាក់ថា សម្តេចចង់ឱ្យជនជាតិខ្មែរ ក្លាយជាសេដ្ឋីកាន់តែច្រើនទៅៗ។ ការថ្លែងនេះ ធ្វើឡើងក្នុងពិធីសំណេះសំណាលជាមួយសមាគមសម្ព័ន្ធខ្មែរ-ចិន នៅមជ្ឈមណ្ឌលកោះពេជ្រ កាលពីថ្ងៃទី៩ ខែមេសា ឆ្នាំ២០១៩។

សម្តេច ហ៊ុន សែន ថ្លែងនាពេលកន្លងមក

សម្តេចលើកឡើងថា នេះមិនមែនជាការរើសអើងទេ ប៉ុន្តែប្រទេសនីមួយៗសុទ្ធតែចង់ឱ្យជនជាតិរបស់ខ្លួនមានសេដ្ឋី និងអ្នកមានច្រើន។

ប្រមុខរាជរដ្ឋាភិបាលបន្ថែមថា នៅក្នុងចំណោមជនជាតិខ្មែរ បើគិតពីអ្នកមានប្រាក់ពី ២០លានដុល្លារឡើងលើ ប្រហែលជាមានចំនួនមិនតិចទេ ហើយបើគិតពីអ្នកមានប្រាក់ចាប់ពី ១លានដុល្លារឡើងលើ ក៏មានចំនួនមិនតិចដែរ។ បើប្រៀបធៀបនឹងឆ្នាំ១៩៧៩ អ្នកដែលមានប្រាក់ចាប់ពី ១០០ដុល្លារឡើងលើ គឺមានតិចតួចទេ។ យ៉ាងណាសម្តេចបញ្ជាក់ថា ការលើកឡើងនេះ គឺសំដៅទៅលើអចលនទ្រព្យរបស់អ្នកទាំងនោះ ពុំមែនជាសាច់ប្រាក់នោះទេ៕

អត្ថបទ៖ សំភី