ញ៉ាំស៊ុត ២គ្រាប់ក្នុង១ថ្ងៃ នោះរាងកាយរបស់យើង នឹងមានអ្វីកើតឡើង?

2019-05-20 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមការស្រាវជ្រាវ បានបង្ហាញឲ្យឃើញថា ការទទួលទានស៊ុតចំនួន ២ ទៅ ៣គ្រាប់ជារៀងរាល់ថ្ងៃ អាចផ្ដល់ជាអត្ថប្រយោជន៍ជាច្រើនដល់រាងកាយមនុស្ស។ ក្នុងនោះមានផលវិជ្ជមានធំៗចំនួន ៨ ដូចជា៖

១.ខួរក្បាលទទួលបានការការពារពីសារជាតិចិញ្ចឹមកូលីន

កូលីន (Choline) ជាសារជាតិចិញ្ចឹមមួយ ដែលសម្បូរទៅដោយវីតាមីនល្អៗចំពោះសុខភាពខួរក្បាល។ ប្រសិនបើអ្នកបរិភោគស៊ុតក្នុង១ថ្ងៃ២គ្រាប់ រូបរាងរបស់អ្នកនឹងទទួលបានសារជាតិ Choline គ្រប់គ្រាន់។ កង្វះខាត Choline ក្នុងរាងកាយ អាចបណ្ដាលឲ្យសមត្ថភាពចងចាំរបស់ខួរក្បាលចុះខ្សោយបាន។

២.ភ្នែកកាន់តែមើលឃើញច្បាស់ល្អ

ក្រៅពីកូលីន ស៊ុតក៏សម្បូរទៅដោយសារជាតិ Lutein ផងដែរ។ Lutein អាចជួយឲ្យភ្នែកភ្លឺ និងមើលឃើញបានច្បាស់។

៣.ឆ្អឹង និងធ្មេញរឹងមាំ ព្រោះសម្បូរដោយវីតាមីន D

អ្នកវិទ្យាសាស្ត្រ បានរកឃើញថា វីតាមីន D មាននៅក្នុងស៊ុត អាចជួយបង្កើនសារធាតុកាល់ស្យូម ដែលធ្វើឲ្យឆ្អឹង និងធ្មេញកាន់តែរឹងមាំជាងមុន។

៤.ស្បែក សក់ និងថ្លើម ទទួលបានការការពារពីវីតាមីន B

សារធាតុ Biotin វីតាមីន B12 និងសារធាតុចិញ្ចឹមផ្សេងទៀតនៅក្នុងស៊ុត អាចជួយថែរក្សាគុណភាពសក់ និងស្បែកបានល្អ។ បន្ថែមពីនេះ ស៊ុតក៏មានផងដែរនូវសារធាតុ Phospholipids ដែលអាចលុបបំបាត់ជាតិពុលនៅក្នុងថ្លើម។

៥.អត្រាកើតជំងឺសរសៃឈាមបេះដូង ត្រូវបានកាត់បន្ថយ

Phosphadtides មានក្នុងស៊ុត អាចទប់ស្កាត់កំណើនកូឡេស្តេរ៉ុល។ មួយវិញទៀត វាក៏មានអាស៊ីត Omega 3 ដែលអាចកាត់បន្ថយសារធាតុប្រេង Triglyceride។ សារធាតុទាំងពីរនេះ អាចកាត់បន្ថយជំងឺសរសៃឈាមបេះដូង។

៦.រាងកាយចាប់ផ្ដើមស្រកទម្ងន់

ប្រសិនបើអ្នកញ៉ាំស៊ុតសម្រាប់អាហារពេលព្រឹកប្រចាំថ្ងៃ នោះអ្នកនឹងអាចសម្រកទម្ងន់បានយ៉ាងលឿន។ សារធាតុចិញ្ចឹមក្នុងស៊ុត អាចធ្វើឲ្យអ្នកឆ្អែតក្នុងរយៈពេលយូរ ដូច្នេះបានន័យថា អ្នកអាចកាត់បន្ថយការទទួលទានអាហារច្រើនជាងមុន។

៧.អត្រាកើតជំងឺមហារីក ថយចុះ

តាមការសិក្សាមួយ បានឲ្យដឹងថា ស្ត្រីដែលតមអាហារ ហើយងាកមកទទួលទានស៊ុតជាប្រចាំ អាចកាត់បន្ថយអត្រាកើតមហារីកសុដន់រហូតដល់ ១៨%។

៨.ស៊ុតអាចជួយពន្យារភាពចាស់

៨៧% នៃស្ត្រីវ័យ ៣៥ឆ្នាំ ដល់ ៤០ឆ្នាំ ដែលញ៉ាំស៊ុតជាប្រចាំ អាចលុបបំបាត់នូវស្នាមអុជខ្មៅ និងធ្វើឲ្យស្បែកភ្លឺ។ ចំពោះបុរសវិញ ស្នាមរង្វង់ខ្មៅនៅជុំវិញភ្នែក នឹងបាត់ទៅបន្តិចម្ដងៗ៕