រឿងរ៉ាវគួរឲ្យចាប់អារម្មណ៍ ទាំង១១ ពីទីក្រុងឌូបៃ ដែលមនុស្សភាគច្រើនមិនធ្លាប់ដឹង

2019-05-20 03:14:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ឌូបៃ គឺជារដ្ឋធានីបស់ប្រទេសអារ៉ាប់រួម (United Arab Emirates)។ វាត្រូវបានគេស្គាល់ថាជា ទីក្រុងដែលពោរពេញទៅដោយភាពឆើតឆាយ សម្បូរបែប និងរីករាយ ព្រមទាំងជាទីក្រុងដែលមានសេដ្ឋកិច្ចល្អបំផុតមួយ នៅសតវត្សទី២១ នេះទៀតផង។

ខាងក្រោមនេះគឺជារឿងរ៉ាវគួរឲ្យចាប់អារម្មណ៍ ពីទីក្រុងឌូបៃ ដែលមនុស្សភាគច្រើន មិនធ្លាប់បានដឹងពីមុនមក៖

១. ឌូបៃ ផលិតប្រេង ស្មើនឹងទំហំអាងហែលទឹកអូឡាំពិក ចំនួន ៤,៥ ក្នុងមួយថ្ងៃ

២. ឌូបៃ មានសួនកម្សាន្តផ្ទាល់ខ្លួន ឈ្មោះថា Dubailand

បន្ទាប់ពីក្រុមហ៊ុន Disney បដិសេធមិនព្រមសាងសង់ សួនកម្សាន្ត Disneyland នៅក្នុងទីក្រុងឌូបៃ ពួកគេបានសម្រេចចិត្តសាងសង់ សួនកម្សាន្ត Dubailand ដែលមានទំហំធំជាង សួនកម្សាន្ត Disneyland ២ ដងឯណោះ។ វាត្រូវចំណាយអស់ប្រហែល ៦៤,៣ ពាន់លានដុល្លារ ក្នុងការសាងសង់។

៣. បរិមាណមាសជួញដូរនៅទីក្រុងឌូបៃ ក្នុងឆ្នាំ ២០១៣ មានចំនួន ៤០ ភាគរយ នៃការជួញដូរទូទាំងពិភពលោក

មាសចំនួន ៤០ ភាគរយ ដែលត្រូវបានជួញដូរ នៅលើពិភពលោក ក្នុងឆ្នាំ ២០១៣ បានធ្វើឡើងនៅទីក្រុងឌូបៃ ហើយវាមានទម្ងន់ប្រមាណជា ២ ២៥០ តោន ឬស្មើនឹងសត្វដំរី ៣៥៤ ក្បាល។

៤. អគារ Burj Khalifa អាចមើលឃើញពីចម្ងាយ ៩៥ គីឡូម៉ែត្រ

៥. ឌូបៃ ត្រូវបានគេចាត់ទុកថាជាទីក្រុង ដែលមានសុវត្ថិភាពបំផុតមួយ នៅលើពិភពលោក

ជាមួយនឹងអត្រាបទឧក្រិដ្ឋកម្ម ស្ទើរតែស្មើសូន្យភាគរយ ឌូបៃ ត្រូវបានគេចាត់ទុកថាជា ទីក្រុងដែលមានសុវត្ថិភាពបំផុតមួយ នៅលើពិភពលោក ដោយសារតែ ច្បាប់តឹងតែង ហើយប្រជាជនមានសីលធម៌ខ្ពស់។

៦. ពន្ធលើប្រាក់ចំណូល នៅឌូបៃ គឺ សូន្យភាគរយ

៧. Dubai Mall គឺជាផ្សារទំនើបធំបំផុតនៅលើពិភពលោក

Dubai Mall គឺជាគោលដៅដ៏ល្អឥតខ្ចោះ សម្រាប់អ្នកចូលចិត្តដើរទិញឥវ៉ាន់ ដោយសារតែអ្នកអាចរកអ្វីគ្រប់ នៅក្រោមដំបូលតែមួយ ជាមួយនឹងហាងចំនួន ១ ២០០។

៨. ស្ថានីយរថភ្លើង ត្រូវបានសាងសង់ឡើង ក្នុងរយៈពេលត្រឹមតែ ១៨ ខែ

ស្ថានីយរថភ្លើង នៅក្នុងទីក្រុងឌូបៃ បានបើកដំណើរការនៅឆ្នាំ ២០០៩ ដោយមាន ៤២ ស្ថានីយ ហើយត្រូវបានសាងសង់ឡើង ក្នុងរយៈពេលត្រឹមតែ ១៨ ខែប៉ុណ្ណោះ។

៩. ឌូបៃ មានកន្លែងកប់ខ្មោចរថយន្តប្រណីត

រថយន្តប្រណីតជាច្រើន ត្រូវបានគេបោះបង់ចោល នៅទូទាំងទីក្រុងឌូបៃ ដោយសារតែវិបត្តិហិរញ្ញវត្ថុ ព្រោះការពិតរថយន្តភាគច្រើន ត្រូវបានទិញនៅពេលសេដ្ឋកិច្ចផ្ទុះឡើង។

១០. Palm Jumeirah គឺជាកោះសិប្បនិម្មិតធំបំផុតលើពិភពលោក

Palm Jumeirah អាចមើលឃើញពីលំហអាកាស។ វាមានប្រវែង ៥,៤ គីឡូម៉ែត្រ ហើយថែមទាំងមានសណ្ឋាគារ ចំនួន ២៨ នៅលើនោះទៀតផង។

១១. Princess Tower គឺជាអគារស្នាក់នៅខ្ពស់បំផុតលើពិភពលោក

Princess Tower មាន ១០១ ជាន់ និងកម្ពស់ ៤១៤ ម៉ែត្រ។ វាត្រូវបានគេចាត់ទុកថាជា អគារស្នាក់នៅខ្ពស់បំផុតលើពិភពលោក និង ខ្ពស់បំផុតលំដាប់ទី ២ នៅទីក្រុងឌូបៃ បន្ទាប់ពីអគារ Burj Khalifa៕

ប្រែសម្រួល៖ សេង ឡុង