ហ៊ុន ច័ន្ទរាជ្យ រំភើបខ្លាំង ពេលឃើញ ONE Championship បង្ហាញឈ្មោះ "គុនខ្មែរ"

2019-06-04 04:14:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ONE Championship បានបង្ហោះរូបភាពមួយសន្លឹកនៅលើទំព័រហ្វេសប៊ុកផ្លូវការរបស់ខ្លួន នាថ្ងៃទី៤ ខែមិថុនានេះ បង្ហាញពីក្បាច់គុនល្បីៗ ដែលកំពុងមានឈ្មោះ ក្នុងស្ថាប័នក្បាច់គុនធំជាងគេបំផុតនៅអាស៊ីមួយនេះ។

ក្នុងចំណោមក្បាច់គុនទាំង ១១ ប្រភេទ ដែល ONE Championship បានបង្ហាញនោះ ក៏មាន "គុនខ្មែរ" ផងដែរ។ ក្បាច់គុន ១០ប្រភេទទៀត រួមមាន គុនចម្រុះ (MMA), Kickboxing, Lethwei, Sanda, Judo, ការ៉ាតេ, កុងហ៊្វូ, Muay Thai, តេក្វាន់ដូ និង Submission Grappling (ប្រកួតក្លេ)។

រូបភាពដែល ONE Championship បានបង្ហោះ

ក្រោយឃើញរូបភាពនេះ លោក ហ៊ុន ច័ន្ទរាជ្យ ប្រធានក្លឹប Cambodian Top Team ដែលជាអ្នកនាំកីឡាករកម្ពុជា ឈានជើងចូល ONE Championship មុនគេនោះ បានបង្ហោះសារ បង្ហាញពីអារម្មណ៍រំភើបរបស់ខ្លួន ដូចខាងក្រោម៖

"នេះជាហេតុផលដែលធ្វើឲ្យខ្ញុំប្រឹងប្រែងតាំងពីដើមរៀងមក ជាហេតុផលដែលធ្វើឲ្យខ្ញុំសុខចិត្តលះបង់ ជាហេតុផលដែលធ្វើឲ្យខ្ញុំសម្រេចចាកចេញពីគ្រួសារ ចាកចេញពីផ្ទះ កាលពី៨ឆ្នាំមុន.... ទាំងអស់នេះ គឺសម្រាប់គុនខ្មែរ គឺដើម្បីឲ្យពិភពលោកទទួលស្គាល់គុនខ្មែរ។ នេះជាមោទនភាពមួយ សម្រាប់ខ្ញុំ ក៏ដូចជាប្រជាជនកម្ពុជាទាំងអស់គ្នា"។

លោក ហ៊ុន ច័ន្ទរាជ្យ

សូមបញ្ជាក់ថា លោក ហ៊ុន ច័ន្ទរាជ្យ មានឪពុកម្ដាយនៅសហរដ្ឋអាមេរិក ប៉ុន្តែលោកបានចាកចេញមករស់នៅកម្ពុជា ដើម្បីបង្កើតក្លឹបប្រដាល់ Cambodian Top Team និងដើម្បីត្រួសត្រាយផ្លូវឲ្យកីឡាករប្រដាល់កម្ពុជា បានឈានជើងចូលប្រកួត និងបង្ហាញក្បាច់គុនខ្មែរ នៅស្ថាប័នអន្តរជាតិនានា ដូចជា ONE Championship, World Lethwei Championship (WLC) និង Full Metal Dojo (FMD) ជាដើម។ បច្ចុប្បន្ន លោកក៏ជាអគ្គលេខាធិការសហព័ន្ធកីឡាយុទ្ធគុនចម្រុះកម្ពុជា ផងដែរ៕

អត្ថបទទាក់ទង៖

អត្ថបទ៖ សុខ សុវត្ថិ