Copa America៖ កីឡាករទាំង ២៣នាក់របស់ជប៉ុន ភាគច្រើនជាយុវជន U-22

2019-06-06 08:38:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិជប៉ុន នឹងចូលលេងក្នុងពានរង្វាន់តំបន់អាមេរិកខាងត្បូង Copa America ឆ្នាំ២០១៩ នេះ ក្នុងនាមជាក្រុមដែលត្រូវបានគេអញ្ជើញឲ្យចូលរួម ដូចក្រុមកាតារដែរ។

ជប៉ុន ស្ថិតនៅក្នុងពូល C ជាមួយក្រុមខ្លាំង ៣ គឺ អ៊ុយរុយហ្គាយ ស៊ីលី និងអេក្វាឌ័រ។ កីឡាករទាំង ២៣ នាក់របស់ក្រុមនេះ ភាគច្រើនជាយុវជនក្រោមអាយុ ២២ឆ្នាំ ដែលគ្មានបទពិសោធន៍ក្នុងក្រុមឈុតធំ ដោយសារតែលោកគ្រូបង្វឹក Hajime Moriyasu ចង់មើលជើងកីឡាករវ័យក្មេងទាំងនេះ ត្រៀមប្រកួតអូឡាំពិក នាទីក្រុងតូក្យូ ឆ្នាំ២០២០។ មានតែកីឡាករ ៣រូបប៉ុណ្ណោះ ដែលមានបទពិសោធន៍ច្រើន គឺអ្នកចាំទី Eiji Kawashima ខ្សែបម្រើ Gaku Shibasaki និងខ្សែប្រយុទ្ធ Shinji Okazaki។

ក្រុមជម្រើសជាតិជប៉ុន នាការប្រកួតកន្លងមក (រូបភាព The Sun)

***កីឡាករទាំង ២៣រូប របស់ក្រុមបាល់ទាត់ជម្រើសជាតិជប៉ុន មានដូចខាងក្រោម៖***

អ្នកចាំទី ៖ Eiji Kawashima អាយុ ៣៦ឆ្នាំ (ក្លឹប Strasbourg), Ryosuke Kojima អាយុ ២២ឆ្នាំ (ក្លឹប Oita Trinita), Keisuke Osako អាយុ ១៩ឆ្នាំ (ក្លឹប Sanfrecce Hiroshima)។
ខ្សែការពារ ៖ Naomichi Ueda អាយុ ២៤ឆ្នាំ (ក្លឹប Cercle Brugge), Ko Itakura អាយុ ២២ឆ្នាំ (ក្លឹប Groningen), Tomoki Iwata អាយុ ២២ឆ្នាំ (ក្លឹប Oita Trinita), Yugo Tatsuta អាយុ ២០ឆ្នាំ (ក្លឹប Shimizu S-Pulse), Teruki Hara អាយុ ២០ឆ្នាំ (ក្លឹប Sagan Tosu), Daiki Sugioka អាយុ ២០ឆ្នាំ (ក្លឹប Shonan Bellmare), Daiki Suga អាយុ ២០ឆ្នាំ (ក្លឹប Consadole Sapporo), Takehiro Tomiyasu អាយុ ២០ឆ្នាំ (ក្លឹប Sint-Truiden)។
ខ្សែបម្រើ ៖ Gaku Shibasaki អាយុ ២៧ឆ្នាំ (ក្លឹប Getafe), Shoya Nakajima អាយុ ២៤ឆ្នាំ (ក្លឹប Al-Duhail), Yuta Nakayama អាយុ ២២ឆ្នាំ (ក្លឹប PEC Zwolle), Koji Miyoshi អាយុ ២២ឆ្នាំ (ក្លឹប Yokohama F Marinos), Tatsuya Ito អាយុ ២១ឆ្នាំ (Hamburger SV), Taishi Matsumoto អាយុ ២០ឆ្នាំ (ក្លឹប Sanfrecce Hiroshima), Kota Watanabe អាយុ ២០ឆ្នាំ (ក្លឹប Tokyo Verdy), Hiroki Abe អាយុ ២០ឆ្នាំ (ក្លឹប Kashima Antlers), Takefusa Kubo អាយុ ១៨ឆ្នាំ (ក្លឹប FC Tokyo)។
ខ្សែប្រយុទ្ធ ៖ Shinji Okazaki អាយុ ៣៣ឆ្នាំ (ក្លឹប Leicester City), Daizen Maeda អាយុ ២១ឆ្នាំ (ក្លឹប Matsumoto Yamaga), Ayase Ueda អាយុ ២០ឆ្នាំ (ក្លឹប Hosei University)។

សូមបញ្ជាក់ថា ជប៉ុន នឹងត្រូវប៉ះស៊ីលី នាថ្ងៃទី១៧ ខែមិថុនា មុនបន្តប៉ះអ៊ុយរុយហ្គាយ ថ្ងៃទី២០ ខែមិថុនា និងប៉ះអេក្វាឌ័រ ថ្ងៃទី២៤ ខែមិថុនា៕

អត្ថបទទាក់ទង៖

អត្ថបទ៖ ឈិន មិថុនា