ចុះត្រួតពិនិត្យរថយន្តដឹកទំនិញនៅកំពង់ផែ រកឃើញកំហុសឆ្គង១០ចំណុច
- 2019-06-17 08:35:09
- ចំនួនមតិ 0 | ចំនួនចែករំលែក 0
ចុះត្រួតពិនិត្យរថយន្តដឹកទំនិញនៅកំពង់ផែ រកឃើញកំហុសឆ្គង១០ចំណុច
ចន្លោះមិនឃើញ
ក្រុមការងារត្រួតពិនិត្យរឹតបន្តឹងការអនុវត្តច្បាប់ស្តីពីចរាចរណ៍ផ្លូវគោក កាលពីថ្ងៃទី១៥ ខែមិថុនា ឆ្នាំ២០១៩ បានចុះត្រួតពិនិត្យលក្ខណៈបច្ចេកទេសយានយន្ត និងបណ្ណបើកបររបស់អ្នកបើកបររថយន្ត និងរថយន្តដឹកទំនិញកុងតឺន័រនៅកំពង់ផែស្វយ័តភ្នំពេញ និងកំពង់ផែស្វយ័តក្រុងព្រះសីហនុ។ ក្នុងនោះក្រុមការងារបានត្រួតពិនិត្យរថយន្តសរុប ២០១គ្រឿង មាន១៤% បានប្រព្រឹត្តល្មើសច្បាប់ ហើយមួយចំនួនត្រូវបានណែនាំ និងមួយចំនួនទៀតត្រូវបានផាកពិន័យ ប្រមូលបានជាទឹកប្រាក់ចំនួន ៤ ១៧៥ ០០០រៀល។
ការចុះត្រួតពិនិត្យនេះ ក្រុមការងាររកឃើញកំហុសឆ្គង១០ចំណុច ពោលគឺរាល់រថយន្តល្មើសមានកំហុសយ៉ាងតិចមួយក្នុងចំណោម ១០ចំណុចដូចខាងក្រោម៖
-បណ្ណបើកបរ
១. ប្រើបណ្ណបើកបរចម្លង
២. ប្រើបណ្ណបើកបរខុសពីប្រភេទរថយន្តកំពុងបើកជាក់ស្តែង
-អាជ្ញាបណ្ណដឹកជញ្ជូន
៣. ប្រើផ្លាកលេខក្លែងក្លាយ
៤. រថយន្តគ្មានលិខិតអនុញ្ញាអាជីវកម្ម
៥. គ្មានវិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ
-បច្ចេកទេសយានយន្ត
៦. យានយន្តកែច្នៃខុសលក្ខណៈបច្ចេកទេស
៧. គ្មានខ្ចៅប៊ូឡុងតាកេគ្រាប់គ្រាន់
៨. កន្ទុយស៊ឺមីរ៉ឺម៉ក គ្មានគន្លឹះសុវត្ថិភាពទប់កុងតឺណ័រ
៩. សំបកកង់សឹកដល់កម្រិតអាចផ្ទុះបង្កគ្រោះថ្នាក់
១០. គ្មានភ្លើងបំភ្លឺពេលយប់៕
ប្រភពអត្ថបទ និងរូបថត៖ ក្រសួងសាធារណការ និងដឹកជញ្ជូន
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
