ព្រឹត្តិការណ៍ប្រណាំងស៊ីក្លូត្រលប់មកវិញបន្ទាប់ពីបាត់ជាង២០ឆ្នាំ
- 2019-06-23 07:56:40
- ចំនួនមតិ 0 | ចំនួនចែករំលែក 0
ព្រឹត្តិការណ៍ប្រណាំងស៊ីក្លូត្រលប់មកវិញបន្ទាប់ពីបាត់ជាង២០ឆ្នាំ
ចន្លោះមិនឃើញ
ព្រឹត្តិការណ៍ប្រណាំងស៊ីក្លូទេសចរណ៍ ឆ្នាំ២០១៩ ក្រោមប្រធានបទ "អភិរក្សស៊ីក្លូដើម្បីទេសចរណ៍" ដែលមានចម្ងាយ ១គីឡូម៉ែត្រ បានប្រព្រឹត្តិនាព្រឹកថ្ងៃ ២៣មិថុនា ឆ្នាំ២០១៩ ស្ថិតនៅទីតាំង សួនច្បារព្រះបារមី ជ្រោយចង្វារ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញក្រោយពីបាត់តាំងពីឆ្នាំ១៩៩៥។
តាមការលើកឡើងរបស់អភិបាលរាជធានីភ្នពេញឯកឧត្ដម ឃួង ស្រេង បានបញ្ជាក់ថា ព្រឹត្រិការណ៍ប្រណាំងស៊ីក្លូឆ្នាំនេះជាប្រារព្ធជាលើកទី៣ហើយ ដោយលើកទី១ធ្វើឡើងនៅឆ្នាំ១៩៩៣ មានស៊ីក្លូចូលរួមចំនួន១០០គ្រឿង លើកទី២ឆ្នាំ១៩៩៥ មានស៊ីក្លូចូលរួមចំនួន៣០០ ហើយនៅឆ្នាំ២០១៩នេះជាឆ្នាំវិញត្រលប់នៃព្រឹត្តិការណ៍ទាក់ទាញភ្ញៀវទេចរនេះជាលើកទី៣មានស៊ីក្លូចូលរួម១៣៦គ្រឿងក្រោយបាត់រយះពេល ២៤ឆ្នាំកន្លងទៅ។
ឯកឧត្ដមលើកឡើងបន្តថា ព្រឹត្តិការណ៍ជាព្រឹត្តិការណ៍មួយដែលជួយទាក់ទាញភ្ញៀវទេសចរមកទស្សនាភ្នំពេញកាន់តែច្រើន តាមតួលេខភ្ញៀវទេចរកាលពីឆ្នាំ២០១៨ភ្នំពេញទទួលបានភ្ញៀវទេចរចំនួន ៣លាននាក់ ហើយឆ្នាំ២០២០ភ្នំពេញរំពឹងនឹងទទួលភ្ញៀវទេសចរបាន ៤.៥លាននាក់។
ប្រធានសមាគមទីភ្នាក់ងារទេសចរណ៍កម្ពុជាលោកជំទាវ ឆាយ ស៊ីវលីន បានលើកឡើងថា ព្រឹត្តិការណ៍ប្រណាំងស៊ីក្លូទេសចរណ៍ ឆ្នាំ២០១៩ មានស៊ីក្លូសរុប ១៣៦ ដែលប្រារព្ធឡើងដើម្បីលើកកម្ពស់ បណ្តុះស្មារតីគាំទ្រ អភិរក្សស៊ីក្លូនៅកម្ពុជា។ សម្រាប់ជ័យលាភីលេខ១ ទទួលបាន ៤០ម៉ឺនរៀល លេខ២ ទទួលបាន ៣២ម៉ឺនរៀល លេខ៣ ទទួលបាន ២៤ម៉ឺនរៀល ចំណែកអ្នកចូលរួមដែលមិនទទួលបានជ័យលាភី ក៏ទទួលបានការឧបត្ដម្ភក្នុងម្នាក់នូវថវិកាចំនួន ១០ ម៉ឺន រៀល។
ក្នុងព្រឹត្តិការណ៍នេះដែររដ្ឋមន្ត្រីក្រសួងទេសចរណ៍ ឯកឧត្ដម ថោង ខុន បានគាំទ្រឲ្យមានព្រឹត្តិការណ៍នេះឲ្យមានបន្តបន្ទាប់ទៀត និងអំពាវនាវដល់ក្រុមហ៊ុន ភ្នាក់ងារ ក៏ដូចជាប្រត្តិបត្រករទេសចរណ៍ទាំងអស់ដាក់ចូលស៊ីក្លូក្នុងកញ្ចប់ទស្សកិច្ចទេសចរណ៍ទាំងអស់ដែលមាននៅកម្ពុជាផងដែរ៕