យន្តហោះប៊ូអ៊ីង 737 ត្រូវចុះចតបន្ទាន់ ក្រោយជួបបញ្ហាលើអាកាស
- 2019-07-09 01:31:53
- ចំនួនមតិ 0 | ចំនួនចែករំលែក 0
យន្តហោះប៊ូអ៊ីង 737 ត្រូវចុះចតបន្ទាន់ ក្រោយជួបបញ្ហាលើអាកាស
ចន្លោះមិនឃើញ
យន្តហោះ Boeing 737 ជើងហោះហើរ UT 705 របស់ក្រុមហ៊ុនអាកាសចរណ៍ Utair បានបង្ខំចិត្តចុះចតបន្ទាន់នៅព្រលានយន្តហោះអន្តរជាតិ Vnukovo ប្រទេសរុស្ស៊ី អំឡុងពេលធ្វើដំណើរពីទីក្រុងមូស្គូ ទៅកាន់ទីក្រុងប៊ែរឡាំង ប្រទេសអាល្លឺម៉ង់ កាលពីថ្ងៃទី៨ ខែកក្កដា ឆ្នាំ២០១៩។ នេះបើយោងតាមការរាយការណ៍របស់ទីភ្នាក់ងារសារព័ត៌មាន Nova TV។
ក្រោយហោះចេញពីទីក្រុងមូស្គូ យន្តហោះនេះ បានជួបបញ្ហាម៉ាស៊ីនត្រជាក់។ ដោយសារហេតុផលបច្ចេកទេសនេះហើយ ទើបក្រុមអ្នកបើកយន្តហោះ បានសម្រេចចិត្តហោះត្រឡប់ក្រោយ ដើម្បីចុះចតបន្ទាន់នៅព្រលាន Vnukovo វិញ។
ប្រភពដដែល បានបញ្ជាក់ថា មិនមានអ្នកដំណើរណាម្នាក់ រងរបួសនោះទេ៕