អាមេរិក ព្រមលក់រថក្រោះនិងមីស៊ីលតម្លៃជាង ២ពាន់លានដុល្លារ ឱ្យតៃវ៉ាន់ហើយ

2019-07-09 02:47:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងការបរទេសអាមេរិក បានយល់ព្រមបើកលទ្ធភាពលក់រថក្រោះ M1A2T Abrams មីស៊ីល Stinger និងឧបករណ៍យោធាផ្សេងទៀត ដែលមានតម្លៃសរុបប្រមាណ ២,២ពាន់លានដុល្លារ ឱ្យតៃវ៉ាន់ហើយ ដោយនៅរង់ចាំការអនុម័តពីសភា។ នេះបើតាមការប្រកាសរបស់មន្ទីរបញ្ចកោណអាមេរិក កាលពីថ្ងៃទី៨ ខែកក្កដា ឆ្នាំ២០១៩។

រូបថត៖ Reuters

សូមរំលឹកថា កាលពីខែមិថុនាកន្លងទៅ ក្រសួងការពារជាតិតៃវ៉ាន់ បានបញ្ជាក់ថា ខ្លួនបានស្នើសុំទិញពីអាមេរិក នូវរថក្រោះ M1A2 Abrams ចំនួន ១០៨គ្រឿង, មីស៊ីលប្រឆាំងរថក្រោះ TOW ចំនួន ១២៤០គ្រាប់, មីស៊ីលប្រឆាំងរថក្រោះ Javelin ចំនួន ៤០៩គ្រាប់ និងខែលមីស៊ីល Stinger Man-portable ចំនួន ២៥០គ្រាប់ផងដែរ។ ប៉ុន្តែការស្នើសុំទិញនេះ ត្រូវបានក្រសួងការបរទេសចិន ព្រមានថា នឹងជះឥទ្ធិពលអវិជ្ជមានដល់ទំនាក់ទំនងរវាងចិន និងអាមេរិក បើក្រុងវ៉ាស៊ីងតោន ព្រមលក់អាវុធទាំងនេះ ឱ្យតៃវ៉ាន់។

យ៉ាងណាក៏ដោយ ក្រសួងការពារជាតិអាមេរិក បានអះអាងថា ការយល់ព្រមលក់អាវុធឱ្យតៃវ៉ាន់ នឹងមិនធ្វើឱ្យមានការផ្លាស់ប្តូរតុល្យភាពយោធានៅក្នុងតំបន់ឡើយ៕

ចុចអានបន្ថែម៖ តៃវ៉ាន់ស្នើសុំទិញរថក្រោះជាង ១០០គ្រឿង និងមីស៊ីលជិត ២ពាន់គ្រាប់ ពីអាមេរិក

ប្រភព៖ Reuters ប្រែសម្រួល៖ សំភី