វៀតណាមចង់បង្កើតបណ្តាញសង្គមផ្ទាល់ខ្លួន ជំនួស Facebook
- 2019-07-16 07:28:19
- ចំនួនមតិ 0 | ចំនួនចែករំលែក 0
វៀតណាមចង់បង្កើតបណ្តាញសង្គមផ្ទាល់ខ្លួន ជំនួស Facebook
ចន្លោះមិនឃើញ
រដ្ឋមន្រ្តីក្រសួងព័ត៌មានវៀតណាម លោក Nguyen Manh Hung បានបង្ហាញពីបំណងចង់បង្កើតបណ្តាញសង្គមផ្ទាល់ខ្លួននៅក្នុងប្រទេស ជំនួសឱ្យការប្រើប្រាស់បណ្តាញសង្គម Facebook។ នេះបើតាមការចុះផ្សាយរបស់ Vietnam Express News នៅថ្ងៃទី១៦ ខែកក្កដា ឆ្នាំ២០១៩។
លោកបន្តថា បដិវត្តន៍ឌីជីថលបានផ្តល់នូវឱកាសដ៏អស្ចារ្យសម្រាប់អាជីវកម្ម។ វៀតណាមចង់ផ្លាស់ប្តូរចំណាត់ថ្នាក់ខ្លួនក្នុងពិភពលោក ពោលគឺវៀតណាមត្រូវតែទៅលឿន និងឈានមុខលើការប្រកួតប្រជែង។ លោកថា វប្បធម៌វៀតណាម គឺងាយនឹងសម្របតាម រៀន បង្កើត និងឆ្លើយតបទៅនឹងអ្វីៗដែលថ្មី ដូច្នេះខ្លួនក៏នឹងឈានមុខគេក្នុងដំណើការបដិវត្តន៍ឌីជីថលនេះ។
សូមជម្រាបថា កាលពីពេលថ្មីៗនេះ ក្រសួងព័ត៌មានវៀតណាម ក៏បានបញ្ចេញផែនការដាក់គោលដៅឱ្យវៀតណាមក្លាយជាប្រទេសឈានមុខគេលើសេដ្ឋកិច្ច និងឌីជីថល ក្នុងតំបន់អាស៊ាន នៅត្រឹមឆ្នាំ២០៣០ ហើយបានអនុញ្ញាតឱ្យមានការធ្វើតេស្តសាកល្បងរាល់បច្ចេកវិទ្យាថ្មីៗនៅក្នុងសេដ្ឋកិច្ចឌីជីថលនេះ៕