ក្រុមសង្គមងងឹតចិនជាង ១០០នាក់ នឹងត្រូវបណ្តេញចេញពីកម្ពុជា

2019-08-16 06:49:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមសង្គមងងឹតចិនប្រមាណជាង ១០០នាក់ ត្រូវបានសមត្ថកិច្ចចាប់ខ្លួន ពីបទពាក់ព័ន្ធករណីជំរិតទារប្រាក់តាមប្រព័ន្ធវីអូអាយភី (VOIP) នៅខេត្តព្រះសីហនុ កាលពីថ្ងៃទី១៤ ខែសីហា។ ក្រោយពេលចាប់ខ្លួនប៉ូលិសបានបញ្ជូនក្រុមសង្គមងងឹតចិនទាំងនេះ មកដាក់នៅអគ្គនាយកដ្ឋានអន្តោប្រវេសន៍ដើម្បីបំពេញបែបបទប្រគល់ឲ្យអាជ្ញាធរចិនយកទៅអនុវត្តទោសនៅប្រទេសចិន។

ក្នុងប្រតិបត្តិការបង្ក្រាបក្រុមជនជាតិចិននេះដែរ ដឹកនាំដោយ លោក ឧត្តមសេនីយ៍ឯក អ៊ី សុខឃី ប្រធាននាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន និង លោក ឧត្តមសេនីយ៍ឯក សៀង សេន ប្រធាននាយកដ្ឋានប្រឆាំងបទល្មើសល្បែងពាណិជ្ជកម្ម សហការជាមួយស្នងការដ្ឋាននគរបាលខេត្តព្រះសីហនុ និងការការចូលរួមពីព្រះរាជអាជ្ញាផងដែរ។

ក្នុងប្រតិបត្តិការបង្ក្រាបនេះ បានធ្វើឡើងនៅពីរទីតាំងផ្សេងគ្នា ដោយទីតាំងទី១ នៅអាគារ ៥ជាន់ ស្ថិតក្នុងក្រុម ២៦ ភូមិ២ សង្កាត់ ៤ ចាប់ខ្លួនជនសង្ស័យចំនួន ១១៧នាក់ ក្នុងនោះស្រី ៩នាក់។ ទីតាំងទី ២ នៅវិឡាតឿរ៉ូយ៉ាល់ព្រីនសេស ក្រុម៤ ភូមិ៣ សង្កាត់២ ក្រុងព្រះសីហនុ ចាប់ខ្លួនជនសង្ស័យជនជាតិចិន ចំនួន ១៥នាក់ ក្នុងនេះស្រី ២នាក់។

លោក ឧត្តមសេនីយ៍ឯក អ៊ី សុខឃី ប្រធាននាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន បានថ្លែងប្រាប់ [ខ្លីៗ] ថា ក្រុមជនជាតិចិនទាំង ១២៧នាក់ ដែលឃាត់ខ្លួននៅខេត្ត ព្រះសីហនុ បានបញ្ជូនមកដាក់នៅអគ្គនាយកដ្ឋានអន្តោប្រវេសន៍ នៃក្រសួងមហាផ្ទៃ។ លោកក៏បានបញ្ជាក់ថា “នីតិវិធីបន្តបន្ទាប់ពីយើងបំពេញឯកសារគ្រប់គ្រាន់ស្នើសុំថ្នាក់ដឹកនាំដើម្បីធ្វើការបណ្ដេញចេញពីប្រទេសកម្ពុជា”៕

ចុចអាន៖

អត្ថបទ៖ កុសល