នាវាមុជទឹក និងនាវាចម្បាំងមីស៊ីល របស់​ឥណ្ឌា ចូល​សំចត​នៅ​កំពង់​ផែស្វយ័ត​ក្រុង​ព្រះសីហនុ កាល​ពីព្រឹកថ្ងៃទី៥ ខែកញ្ញា ឆ្នាំ ២០១៩ ដើម្បី​បំពេញ​ទស្សនកិច្ច​សុច្ឆន្ទៈ​នៅ​ព្រះ​រា​ជា​ណា​ចក្រ​កម្ពុជា ដែល​មាន​រយៈពេល ០៤ថ្ងៃ គិត​ចាប់​ពី​ថ្ងៃទី០៥ ដល់ថ្ងៃទី០៨ ខែកញ្ញា ឆ្នាំ២០១៩ ខាង​មុខ​នេះ។

នាវាកងទ័ពជើងទឹកឥណ្ឌាទាំងពីរគ្រឿង មានឈ្មោះ​ INS KILTAN ជាប្រភេទ​នា​វា​ប្រឆាំង​នាវា​មុជ​ទឹក និងនាវាឈ្មោះ INS SAHYADRI (F49) ជាប្រភេទនាវាចម្បាំងមីស៊ីល។

នាវា​មានឈ្មោះ INS KILTAN មាន​លក្ខណៈបច្ចេកទេស​ដូច​ជា៖

• ទំងន់ផ្ទុក ៣១៥០ តោន
• ប្រវែង ១១០ ម៉ែត្រ
• ទទឹង ១២,៨០ ម៉ែត្រ
• ជំរៅទឹក ៧ ម៉ែត្រ
• ល្បឿន ៤៦ គីឡូម៉ែត្រ​ក្នុង​មួយ​ម៉ោង
• កម្លាំងចំណុះ ២៨០ នាក់​(មន្ត្រី ៣០នាក់ រួម​ជា​មួយ​នាវិក ២៥០នាក់)។

ចំណែក​នាវា INS SAHYADRI (F49) មាន​លក្ខណៈបច្ចេកទេស៖

• ទំងន់ផ្ទុក ៦២០០ តោន
• ប្រវែង ១៤៣ ម៉ែត្រ
• ទទឹង ១៧ ម៉ែត្រ
• ជំរៅទឹក ៧ ម៉ែត្រ
• ល្បឿន ៥៩ គីឡូ​ម៉ែត្រក្នុង​មួយម៉ោង
• កម្លាំងចំណុះ ៣៩០នាក់ (មន្ត្រី ៤០នាក់ រួម​ជា​មួយ​នាវិក ៣៥០នាក់) ។

នាវាចម្បាំង​ទាំងពីរ របស់​ឥណ្ឌានេះ ​​ដឹក​នាំ​ដោយ​ លោក វរនាវីឯក Ashwin Arvind មេបញ្ជាការនាវា INS SAHYADRI ហើយ​បាន​​ចូល​ចត​នៅ​កំពង់​ផែ​ស្វយ័តក្រុងព្រះសីហនុ៕

ចុចអាន៖

• ចិនបង្ហាញជំហរគាំទ្រកូរ៉េខាងជើង ខណៈកិច្ចពិភាក្សានុយក្លេអ៊ែរនៅជាប់គាំង

• ចិនគ្រោងរៀបចំក្បួនព្យុហយាត្រាយោធាធំបំផុត មិនធ្លាប់មានក្នុងប្រវត្តិសាស្ត្រ (មានវីដេអូ)