និស្សិតពេទ្យ រៀននៅសាលារដ្ឋប្រើសុទ្ធបច្ចេកវិទ្យា VR និង Telemedicine
- 2019-09-10 07:25:44
- ចំនួនមតិ 0 | ចំនួនចែករំលែក 0
និស្សិតពេទ្យ រៀននៅសាលារដ្ឋប្រើសុទ្ធបច្ចេកវិទ្យា VR និង Telemedicine
ចន្លោះមិនឃើញ
លោក សាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល និងជាប្រធានក្រុមប្រឹក្សាភិបាលនៃ សាកលវិទ្យាល័យវិទ្យាសាស្ត្រ សុខាភិបាល (ស.វ.ស) បានអញ្ជើញមកធ្វើទស្សនកិច្ចនៅមន្ទីរពិសោធន៍បង្ហាញត្រាប់ (Skill and Simulation Laboratory) ផ្នែកវេជ្ជសាស្ត្រ របស់ ស.វ.ស ដោយបានអញ្ជើញពិនិត្យ និងសាកល្បងដោយផ្ទាល់លើឧបករណ៍បច្ចេកវិទ្យា VR (Virtual Reality) និងTelemedicineកាលពីថ្ងៃទី៩ ខែកញ្ញា ឆ្នាំ២០១៩ ។
បច្ចេកវិទ្យា VR នេះត្រូវបានបំពាក់សម្រាប់គ្រូពេទ្យ (អ្នកប្រើប្រាស់) ដោយពិនិត្យទៅលើ Mannequin ដែលផ្តល់រូបភាពជាលក្ខណៈ 3D ប្រហាក់ប្រហែលទៅនឹងការពិនិត្យលើអ្នកជម្ងឺផ្ទាល់។ ទិដ្ឋភាពទាំងស្រុងនៃការមើលឃើញរបស់អ្នកប្រើប្រាស់ គឺអាចបង្ហាញលើអេក្រង់ទូរទស្សន៍ធំសម្រាប់ឱ្យនិស្សិតអាចមើលឃើញ និងតាមដានក្នុងពេលបង្រៀនផងដែរ។
ដោយឡែក Telemedicine ជាឧបករណ៍សម្រាប់ជួយគ្រូពេទ្យមានលទ្ធភាពក្នុងការផ្ដល់សេវាថែទាំសុខភាពពីចម្ងាយ ដូចជាការវាយតម្លៃសុខភាព ឬការពិគ្រោះយោបល់ទាក់ទងនឹងសុខភាពដោយប្រើបច្ចេកវិទ្យាក្នុងការទំនាក់ទំនងដោយមិនចាំបាច់ជួបផ្ទាល់ ជាពិសេសអាចជួយដល់ការគ្រប់គ្រងដោះស្រាយលើបញ្ហាសុខភាពក្នុងគ្រាមានអាសន្ន ឬគ្រោះមហន្តរាយផ្សេងៗ។
សាកលវិទ្យាល័យវិទ្យាសាស្ត្រ សុខាភិបាល ជាសាកលវិទ្យាល័យដែលបានផ្ដោតអាទិភាពខ្ពស់ក្នុងការធ្វើទំនើបកម្មសម្ភារ:បរិក្ខារមន្ទីរពិសោធន៍បង្ហាញត្រាប់ សម្រាប់ការបណ្ដុះបណ្ដាលវិស័យវិទ្យាសាស្ត្រសុខាភិបាល៕