ចៅសង្កាត់កោះរ៉ុងសន្លឹម ព្រមានដល់ពលរដ្ឋដែលបណ្តោយឱ្យឆ្កែរបស់ខ្លួន ខាំភ្ញៀវទេសចរ

2019-09-16 06:54:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋបាលសង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ បានធ្វើការណែនាំដល់ប្រជាពលរដ្ឋដែលចិញ្ចឹមសត្វឆ្កែរបស់ខ្លួន ត្រូវចងខ្សែ និងទ្រុងឱ្យបានត្រឹមត្រូវ និងមានការទទួលខុសត្រូវពីម្ចាស់ ជៀសវាងបង្កគ្រោះថ្នាក់ផ្សេងៗដល់ភ្ញៀវទេសចរ ដោយកន្លងមកមានសត្វឆ្កែខាំភ្ញៀវ និងប្រជាពលរដ្ឋនៅក្នុងភូមិជាច្រើនលើកច្រើនសារ។ នេះបើតាមលិខិតរបស់លោក ឈឺន ចន្ថា ចៅសង្កាត់កោះរ៉ុងសន្លឹម ចុះកាលពីថ្ងៃទី១៣ ខែកញ្ញា ឆ្នាំ២០១៩។

រូបថត៖ វិបសាយ freedominhikingboots.com

លោកចៅសង្កាត់បានព្រមានថា ក្នុងករណីប្រជាពលរដ្ឋ មិនអនុវត្តតាមការណែនាំរបស់រដ្ឋបាលសង្កាត់ដូចខាងលើនេះទេ ម្ចាស់សត្វឆ្កែ នឹងទទួលខុសត្រូវលើជនរងគ្រោះ ដែលបង្កដោយឆ្កែរបស់ខ្លួន។

ការចេញលិខិតណែនាំនេះ បន្ទាប់ពីមានការរិះគន់ពីភ្ញៀវទេសចរដែលមកកម្សាន្តនៅកោះរ៉ុងសន្លឹម និងពាក្យបណ្តឹងរបស់ប្រជាពលរដ្ឋពីករណីឆ្កែខាំ និងមានការបង្ករំខានដល់ភ្ញៀវជាតិ និងអន្តរជាតិ ដែលទៅកម្សាន្តតាមបណ្តាភូមិ នៃសង្កាត់កោះរ៉ុងសន្លឹម៕