លោក ស៊ី ជិនពីង៖ គ្មានទ័ពណាមួយ អាចធ្វើឱ្យរង្គើមហាយក្សចិនឡើយ
- 2019-10-01 03:59:38
- ចំនួនមតិ 0 | ចំនួនចែករំលែក 0
លោក ស៊ី ជិនពីង៖ គ្មានទ័ពណាមួយ អាចធ្វើឱ្យរង្គើមហាយក្សចិនឡើយ
ចន្លោះមិនឃើញ
ប្រធានាធិបតីចិន លោក ស៊ី ជិនពីង បានថ្លែងក្នុងខួប៧០ឆ្នាំនៃការបង្កើតសាធារណរដ្ឋប្រជាមានិតចិន នាថ្ងៃទី១ ខែតុលា ឆ្នាំ២០១៩ថា គ្មានកម្លាំងណាមួយដែលអាចធ្វើឱ្យរង្គោះរង្គើដល់គ្រឹះនៃមហាយក្សចិនបានឡើយ ហើយក៏គ្មានកម្លាំងណាមួយដែលអាចបញ្ឈប់ដំណើររបស់ប្រជាជន និងប្រទេសចិនបានដែរ។
ទោះជាយ៉ាងណា លោកមិនបញ្ជាក់ពីឈ្មោះប្រទេសដែលលោកសំដៅនោះទេ ដោយគ្រាន់តែនិយាយថា ចិននឹងបន្តការអភិវឌ្ឍដោយសន្តិភាព។ «សូមឱ្យមហាបក្សកុម្មុយនីសចិន និងប្រជាជនចិន មានអាយុយឺនយូរ»។
សូមជម្រាបថា រដ្ឋាភិបាលចិន ប្រារព្ធខួបកំណើតប្រទេស ៧០ឆ្នាំនេះ នៅទីលានធានអានមីន ក្នុងក្រុងប៉េកាំង។ ក្នុងពិធីនេះ មានការធ្វើពិធីព្យុហយាត្រាយោធាដ៏ធំសម្បើមដែលមានទ័ព ១៥ ០០០នាក់ចូលរួម ព្រមទាំងយន្តហោះជាង ១៦០គ្រឿង និងឧបករណ៍យោធាជិត ៦០០គ្រឿងផងដែរ៕