ហេតុអ្វីសត្វព្រៃនៅភ្នំតាម៉ៅ ស្គមស្គាំងយ៉ាងនេះ?
- 2019-10-03 07:38:17
- ចំនួនមតិ 0 | ចំនួនចែករំលែក 0
ហេតុអ្វីសត្វព្រៃនៅភ្នំតាម៉ៅ ស្គមស្គាំងយ៉ាងនេះ?
ចន្លោះមិនឃើញ
ក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា សត្វព្រៃនៅភ្នំតាម៉ៅមួយចំនួនដែលមានសភាពស្គមស្គាំង គឺជាសត្វដែលមានជំងឺ ឬមានរបួសដោយសារការដាក់អន្ទាក់ដោយខុសច្បាប់ ឬមានអ្នកចិញ្ចឹមមិនចង់ចិញ្ចឹម ឬមានបញ្ហាសុខភាពធ្លាក់ខ្លួនឈឺស្គមស្គាំង ក៏បានប្រគល់មកឱ្យរដ្ឋបាលព្រៃឈើ និងអង្គការដៃគូយកមកថែរក្សា និងព្យាបាល ពោលគឺមិនមែនខ្វះចំណីអាហារដូចការរិះគន់តាមបណ្តាញសង្គមហ្វេសប៊ុកឡើយ។ នេះបើតាមសេចក្តីប្រកាសព័ត៌មានកាលពីថ្ងៃទី២ ខែតុលា ឆ្នាំ២០១៩។
ក្រសួងបន្តថា នៅឆ្នាំ២០១៨កន្លងទៅ ឧទ្យានសួនសត្វ និងមជ្ឈមណ្ឌលសង្គ្រោះសត្វព្រៃភ្នំតាម៉ៅ បានសង្គ្រោះសត្វព្រៃចំនួន ១៨៩៣ក្បាល ព្យាបាលសត្វព្រៃចំនួន ២៥៧ក្បាល និងកំពុងថែរក្សាសត្វព្រៃចំនួន ១៥៨៦ក្បាល (បក្សីចំនួន ៥៤ប្រភេទ ថនិកសត្វចំនួន ៤១ប្រភេទ និងល្មូនចំនួន ១២ប្រភេទ) ព្រមទាំងបានស្តារលទ្ធភាពជីវសាស្រ្តសត្វព្រៃ និងដោះលែងសត្វព្រៃគ្រប់ប្រភេទទៅក្នុងព្រៃធម្មជាតិវិញចំនួន ១៤៨៤ក្បាល។
ដោយឡែក្នុងរយៈពេល ៩ខែ ឆ្នាំ២០១៩នេះ ឧទ្យានសួនសត្វ បានសង្គ្រោះសត្វព្រៃថ្មីចំនួន ៧៦៧ក្បាល ព្យាបាលសត្វព្រៃចំនួន ២០៧ក្បាល និងកំពុងថែរក្សាសត្វព្រៃចំនួន ១៦២៥ក្បាល (បក្សីចំនួន ៥៣ប្រភេទ ថនិកសត្វចំនួន ៤១ប្រភេទ និងល្មូនចំនួន ១៣ប្រភេទ) ព្រមទាំងបានស្តារលទ្ធភាពជីវសាស្រ្តសត្វព្រៃ និងដោះលែងសត្វព្រៃគ្រប់ប្រភេទទៅក្នុងព្រៃធម្មជាតិវិញចំនួន ៦៧៤ក្បាល៕