កីឡាករវ័យក្មេង ៥ រូប ៥ ប្រទេសផ្សេងគ្នាកំពុងនាំមុខ ប្រជែងយកពាន Golden Boys
- 2019-10-17 06:46:57
- ចំនួនមតិ 0 | ចំនួនចែករំលែក 0
កីឡាករវ័យក្មេង ៥ រូប ៥ ប្រទេសផ្សេងគ្នាកំពុងនាំមុខ ប្រជែងយកពាន Golden Boys
ចន្លោះមិនឃើញ
ពាន European Golden Boys ឆ្នាំ ២០១៩ ឬ ពានរង្វាន់កីឡាករអឺរ៉ុបល្អបំផុតអាយុក្រោម ២១ ឆ្នាំ កំពុងតែស្ថិតក្នុងដំណាក់កាលបោះឆ្នោត។ មកទល់ថ្ងៃនេះមានកីឡាករលេចធ្លោ ៥ រូបមកពី ៥ ប្រទេសនិង ៥ ក្លឹបផ្សេងគ្នាកំពុងប្រជែង ខណៈថ្ងៃដែលត្រូវប្រកាសជាផ្លូវការគឺ ១៦ ខែធ្នូឆ្នាំ ២០១៩ ខាងមុខនេះ។
ខាងក្រោមនេះជាឈ្មោះកីឡាករវ័យក្មេងទាំង ៥ កំពុងនាំមុខ៖
-Joao Felix សញ្ជាតិព័រទុយហ្គាល់ កំពុងលេងឲ្យក្លឹប Atletico Madrid
-Jadon Sancho សញ្ជាតិអង់គ្លេស កំពុងលេងឲ្យក្លឹប Borussia Dortmund
-Matthijs De Ligt សញ្ជាតិហូឡង់ កំពុងលេងឲ្យក្លឹប Juventus
-Ansu Fati សញ្ជាតិអេស្បាញ កំពុងលេងឲ្យក្លឹប FC Barcelona
-Kai Havertz សញ្ជាតិអាល្លឹម៉ង់ កំពុងលេងឲ្យក្លឹប Bayer Leverkusen
បញ្ជាក់ដែរថា ពានរង្វាន់នេះកាលពីឆ្នាំមុនបានទៅលើខ្សែការពារឆ្នើមរបស់ក្រុម Ajax កីឡាករ Matthijs De Ligt ។ ពានរង្វាន់នេះត្រូវបានបង្កើតឡើងដោយកាសែតអ៊ីតាលី tuttosport.com នៅឆ្នាំ ២០០៣ អ្នកឈ្នះដំបូងគឺអតីតកីឡាករ Ajax លោក Rafael van der Vaart បន្តមកឆ្នាំ ២០០៤ កីឡាករ Wayne Rooney ឆ្នាំ ២០០៥ កីឡាករ Lionel Mesi និងឆ្នាំបន្តបន្ទាប់កីឡាករ Sergio Aguero, Mario Balotelli, Paul Pogba Raheem Sterling និង Kylian Mbappe ឈ្នះនៅឆ្នាំ ២០១៧៕