អតីតប្រធានាធិបតីអាមេរិកមួយរូប ធ្លាប់ផ្ញើសំបុត្រទៅមេដឹកនាំប្រទេសដទៃ ដោយប្រើពាក្យឈ្លើយជាងលោកត្រាំទៀត

2019-10-21 02:41:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បន្ទាប់ពីប្រធានាធិបតីអាមេរិកលោក ដូណាល់ ត្រាំ បានផ្ញើសំបុត្រប្រើប្រាស់ពាក្យធ្ងន់ៗមិនសមរម្យស្តីបន្ទោសប្រធានាធិបតីតួកគីកាលពីពេលថ្មីៗនេះ លោកស្រី ហ៊ីលឡារី គ្លីនតុន ក៏ស្រាប់តែបង្ហោះសំបុត្រមួយផងដែររបស់អតីតប្រធានាធិបតីអាមេរិក លោក ចន កេននីឌី ដែលផ្ញើរទៅលោកគ្រូសឆេវ អតីតមេដឹកនាំសហភាពសូវៀត កាលពីឆ្នាំ១៩៦២។

ក្នុងលិខិតនោះ លោក កេននីឌី បានសរសេរយ៉ាងដូច្នេះថា៖ «កុំគ្រាន់តែធ្វើជាពងក្តមួយ អូខេ? យកមីស៊ីលរបស់អ្នកចេញពីគុយបា។ គ្រប់គ្នានឹងនិយាយថា ជយោ! គ្រូសឆេវ អ្នកគឺជាមេដឹកនាំដ៏ល្អបំផុត។ ប៉ុន្តែប្រសិនបើអ្នកធ្វើអ៊ីចឹងទេ គ្រប់គ្នានឹងហៅប្រទេសសំរាមរបស់អ្នកថាជា ជំងឺសូវៀត»។

គួររំលឹកថា ក្នុងសំបុត្រដែលលោក ដូណាល់ ត្រាំ ផ្ញើទៅប្រធានាធិបតីតួកគី ចុះកាលពីថ្ងៃទី៩ ខែតុលា ឆ្នាំ២០១៩ បានសរសេរយ៉ាងដូច្នេះថា៖

«អ្នកមិនចង់ទទួលខុសត្រូវចំពោះការសម្លាប់មនុស្សរាប់ម៉ឺននាក់ ហើយខ្ញុំមិនចង់ទទួលខុសត្រូវចំពោះការបំផ្លាញសេដ្ឋកិច្ចរបស់តួកគីឡើយ»។

«ខ្ញុំបានធ្វើការយ៉ាងលំបាកក្នុងការដោះស្រាយបញ្ហារបស់អ្នក។ កុំធ្វើឱ្យពិភពលោកធ្លាក់ចុះ។ អ្នកនឹងអាចធ្វើការដោះស្រាយបានយ៉ាងល្អ។ មេបញ្ជាការ Mazloum (មេដឹកនាំយោធាឃឺដ) មានឆន្ទៈចង់ចរចាជាមួយអ្នក ហើយគាត់នឹងធ្វើសម្បទាននូវអ្វីដែលពួកគេមិនដែលធ្វើពីមុនមកឡើយ»។

«ប្រវត្តិសាស្រ្តនឹងសរសេរពីអ្នកនូវរឿងល្អៗ ប្រសិនបើអ្នកដោះស្រាយបាននូវបញ្ហានេះ ដោយមធ្យោបាយត្រឹមត្រូវ និងមនុស្សធម៌។ កុំធ្វើជាមនុស្សអាក្រក់ កុំធ្វើជាមនុស្សឆ្កួត»៕