ក្រោយបាញ់បង្ហោះ ៤០ឆ្នាំ យានអវកាសរបស់ NASA ទី២ បានចេញផុតពីដែនអំណាចព្រះអាទិត្យ
- 2019-11-05 04:29:34
- ចំនួនមតិ 0 | ចំនួនចែករំលែក 0
ក្រោយបាញ់បង្ហោះ ៤០ឆ្នាំ យានអវកាសរបស់ NASA ទី២ បានចេញផុតពីដែនអំណាចព្រះអាទិត្យ
ចន្លោះមិនឃើញ
Voyager 2 របស់អង្គការណាសា បានក្លាយជាយានអវកាសទី២ ដែលឈានដល់ចំណុចឆ្ងាយបំផុតនៃប្រព័ន្ធព្រះអាទិត្យ ពោលគឺដល់ចំណុចមួយ ដែលមានចម្ងាយ ១៧,៧ពាន់លានគីឡូម៉ែត្រពីព្រះអាទិត្យ កាលពីខែវិច្ឆិកា ឆ្នាំ២០១៨។ ចំណុចនេះហៅថា «Interstellar Space» ដែលជាកន្លែងបញ្ចប់នៃដែនម៉ាញេទិចរបស់ព្រះអាទិត្យ។ នេះបើតាមរបាយការណ៍ដែលទើបតែផ្សព្វផ្សាយកាលពីថ្ងៃទី៤ ខែវិច្ឆិកា ឆ្នាំ២០១៩។
បងប្អូនរបស់វា គឺ Voyager 1 ក៏បានធ្វើដំណើរដល់ចុងបញ្ចប់ និងចាកចេញពីប្រព័ន្ធព្រះអាទិត្យផងដែរ កាលពីឆ្នាំ២០១២ ប៉ុន្តែនៅកន្លែងផ្សេងគ្នា ខុសពីទីតាំង Voyager 2។
យាន Voyager ទាំង២នេះ ត្រូវបានបាញ់បង្ហោះកាលពីឆ្នាំ១៩៧៧ ដែលមានបេសកកម្មរុករកភពនានាដែលនៅក្រៅប្រព័ន្ធព្រះអាទិត្យ។ បច្ចុប្បន្ននេះ វាកំពុងរករកនៅក្នុងលំហអវកាស ដែលនៅជាយប្រព័ន្ធព្រះអាទិត្យ ឬផុតពីដែនអំណាចរបស់ព្រះអាទិត្យ។
ក្នុងដំណើររបស់វាទាំង២ គឺបានឆ្លងកាត់ភពក្នុងប្រព័ន្ធព្រះអាទិត្យមួយចំនួនផងដែរ។ ក្នុងនោះ Voyager 1 បានហោះកាត់ភពជូពិទ័រ និងភពសៅរ៍ ឯ Voyager 2 ឆ្លងកាត់ភពជូពិទ័រ ភពសៅរ៍ ភពអ៊ុយរ៉ានុស និងភពណិបទូន៕
សូមទស្សនាវីដេអូ៖
NASA's Voyager 1 and 2 spacecrafts, which launched in 1977, have made history by entering interstellar space and exploring faraway planets https://t.co/IExhbXxhMn pic.twitter.com/CC43nPzzaZ
— CNN (@CNN) November 5, 2019