Microsoft ប្រទះឃើញរឿង១មិនគួរឲ្យជឿ ក្រោយឲ្យបុគ្គលិកធ្វើការតែ៤ថ្ងៃក្នុង១សប្ដាហ៍
- 2019-11-05 09:34:39
- ចំនួនមតិ 0 | ចំនួនចែករំលែក 0
Microsoft ប្រទះឃើញរឿង១មិនគួរឲ្យជឿ ក្រោយឲ្យបុគ្គលិកធ្វើការតែ៤ថ្ងៃក្នុង១សប្ដាហ៍
ចន្លោះមិនឃើញ
ក្រុមហ៊ុន Microsoft នៅជប៉ុន បានពិសោធទម្រង់ការងារថ្មីមួយ ដោយអនុញ្ញាតឲ្យបុគ្គលិកឈប់សម្រាកចំនួន ៣ថ្ងៃក្នុង១សប្ដាហ៍ ក្រោមហេតុផលជំរុញតុល្យភាពនៃជីវិតការងារឲ្យកាន់តែប្រសើរឡើង។ ទម្រង់ថ្មីនេះ មានរយៈពេលសាកល្បងត្រឹម១ខែប៉ុណ្ណោះគឺធ្វើឡើងនៅអំឡុងខែសីហា ឆ្នាំ២០១៩ ដោយក្នុងនោះមានបុគ្គលិកចំនួន ២៣០០នាក់បានចូលរួម។
ជាលទ្ធផល Microsoft បានរកឃើញថា ទម្រង់ថ្មីនេះអាចបង្កើនផលិតភាពការងារបានដល់ទៅ ៣៩,៩%ឯណោះ បើធៀបនឹងរយៈពេលដូចគ្នាកាលពីឆ្នាំ២០១៨។ Microsoft បានឲ្យដឹងទៀតថា បុគ្គលិករបស់ខ្លួនបានប្រើប្រាស់អគ្គិសនីតិចជាងមុនចំនួន ២៣,១% ដែលនេះគឺជាការសន្សំសំចៃថែមទៀតសម្រាប់ក្រុមហ៊ុន។
នៅអំឡុងកំណែទម្រង់ថ្មីនេះ ការងារទាំងអស់ត្រូវបានបញ្ចប់ដូចថ្ងៃដែលធ្វើការងារ៥ថ្ងៃក្នុង១សប្ដាហ៍អ៊ីចឹងដែរ តែចំនួនការប្រជុំត្រូវបានកាត់បន្ថយ ឬបង្រួមពេលឲ្យខ្លី ឬជួនកាលអាចប្រើជាមធ្យោបាយប្រជុំតាមរយៈអ៊ីនធឺណិតជំនួសក៏មាន។ បុគ្គលិកចំនួន ៩២,១% បាននិយាយថា ពួកគេពេញចិត្តនឹងការអនុវត្តថ្មីនេះ។
ព្រោះទទួលបានជោគជ័យនឹងគម្រោងខាងលើ ក្រុមហ៊ុន Microsoft នៅជប៉ុន នឹងអនុវត្តកំណែទម្រង់នេះម្ដងទៀតនៅឆ្នាំក្រោយ តែមិនប្រាកដថាធ្វើឡើងនៅចំខែសីហាទៀតនោះឡើយ៕