គ្រូថៃ និងគ្រូវៀតណាម និយាយអ្វីខ្លះ មុនប៉ះគ្នានៅជុំចុងក្រោយស៊ីហ្គេមថ្ងៃស្អែក?
- 2019-12-04 04:09:17
- ចំនួនមតិ 0 | ចំនួនចែករំលែក 0
គ្រូថៃ និងគ្រូវៀតណាម និយាយអ្វីខ្លះ មុនប៉ះគ្នានៅជុំចុងក្រោយស៊ីហ្គេមថ្ងៃស្អែក?
ចន្លោះមិនឃើញ
គ្រូ U22 ថៃ និងគ្រូ U22 វៀតណាម បានលើកឡើងពីការត្រៀមខ្លួនមុនប៉ះគ្នានៅជុំចុងក្រោយពូលB នៃកីឡាស៊ីហ្គេម ដែលជាការប្រកួតកាត់សេចក្តី និងតានតឹងបំផុត ខណៈដែលកំពុងមានការប្រដេញពិន្ទុគ្នាដើម្បីឈានទៅវគ្គពាក់កណ្តាលផ្តាច់ព្រ័ត្រ។
លោក Akira Nishino គ្រូ U22 ថៃ បានថ្លែងក្រោយពេលយកឈ្នះ U22 ក្នុងលទ្ធផល ២-០ នៅចុងម៉ោង កាលពីម្សិលមិញថា ជ័យជម្នះដ៏តានតឹងនេះ បានធ្វើឱ្យកូនក្រុមលោកកាន់តែមានទំនុកចិត្ត មុនប៉ះវៀតណាម នៅថ្ងៃស្អែក ដែលជាការប្រកួតដ៏មានសារៈសំខាន់បំផុត។
លោកលើកឡើងបន្តថា៖ «វៀតណាម គឺជាក្រុមដ៏ខ្លាំងមួយ ប៉ុន្តែយើងបានសិក្សាពីរបៀបលេងរបស់ពួកគេ ហើយរៀបយុទ្ធសាស្រ្តរបស់យើង។ យើងក៏បានត្រួតពិនិត្យកាយសម្បទារបស់កីឡាករយើងផងដែរ»។
ចំណែកគ្រូ U22 វៀតណាម លោក Park Hang-seo បានថ្លែងក្រោយយកឈ្នះ U22 សិង្ហបុរី ១-០ នៅចុងម៉ោងដែរថា ជ័យជម្នះនេះ លោកមិនសូវសប្បាយចិត្តប៉ុន្មានទេ ពោលគឺលោកផ្តោតខ្លាំងទៅលើការត្រៀមប្រកួតបន្ទាប់ទល់នឹង U22 ថៃ។
៤ប្រកួតកន្លងមក វៀតណាម ឈរលេខ១ មាន ១២ពិន្ទុ, ឥណ្ឌូណេស៊ី លេខ២ និងថៃលេខ៣ មាន៩ពិន្ទុដូចគ្នា, ឡាវ លេខ៤ មាន៤ពិន្ទុ, សិង្ហបុរី លេខ៥ មាន១ពិន្ទុ និងប្រ៊ុយណេ លេខ៦ មាន០ពិន្ទុ។ ប្រកួតចុងក្រោយ ប្រ៊ុយណេ នឹងប៉ះសិង្ហបុរី។ ប្រកួតចុងក្រោយថ្ងៃស្អែក ប្រ៊ុយណេ ប៉ះ សិង្ហបុរី, ឥណ្ឌូណេស៊ី ប៉ះ ឡាវ និងវៀតណាម ប៉ះ ថៃ៕