មូលហេតុនឹកស្មានមិនដល់ដែលយន្តហោះត្រូវលាបពណ៌ ស មិនប្រើពណ៌លាយឡំច្រើន

2019-12-11 06:13:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តើអ្នកធ្លាប់ឆ្ងល់ទេថា ហេតុដូចម្ដេចបានជាយន្តហោះភាគច្រើនមានពណ៌ ស ដោយមិនលេងពណ៌ចម្រុះដូចជារថយន្តសោះឡើយ? វាមិនមែនជាចៃដន្យទេ ព្រោះមានហេតុផលបច្ចេកទេសជាច្រើនចំពោះការលាបពណ៌ ស ទៅលើយន្តហោះ។ ហេតុផលទាំងនោះ មានដូចជា៖

ការជួយឲ្យយន្តហោះមានសីតុណ្ហភាពត្រជាក់

ខុសពីពណ៌ដទៃជាច្រើន ពណ៌ ស មិនស្រូបពន្លឺ ឬកម្ដៅខ្លាំងឡើយ។ ករណីនេះ វានឹងជួយរក្សាសីតុណ្ហភាពនៅខាងក្រៅ និងក្នុងយន្តហោះបានល្អនៅអំឡុងពេលហោះហើរ។

ការសន្សំសំចៃផ្នែកហិរញ្ញវត្ថុ

ការបន្ថែមពណ៌ ឬលេងពណ៌ដទៃទៀតមានតម្លៃថ្លៃជាងការលាបពណ៌ ស។ ជាទូទៅ តម្លៃនៃការលាបពណ៌ផ្សេងៗនៅលើយន្តហោះ មានតម្លៃចន្លោះពី ៥ម៉ឺនដុល្លារ ដល់ ២០ម៉ឺនដុល្លារ។ មួយវិញទៀត ការលាបពណ៌ផ្សេងៗនឹងបន្ថែមទម្ងន់ធ្ងន់ដល់យន្តហោះច្រើនទៀត (ជាធម្មតាចន្លោះពី ២៧៣គីឡូ ដល់ ៥៤៤គីឡូ) ដែលជាកត្តាធ្វើឲ្យយន្តហោះត្រូវប្រើប្រាស់កម្លាំងប្រេងឥន្ធនៈច្រើនជាងសព្វដង។

អ្វីដែលពិបាកជាងនេះទៅទៀតគឺការលក់យន្តហោះបន្តទៅឲ្យក្រុមហ៊ុនដទៃ ដោយការលក់យន្តហោះពណ៌ ស មានភាពងាយស្រួលជាងយន្តហោះមានពណ៌ផ្សេង។

ភាពងាយស្រួលក្នុងការរកចន្លោះប្រហោង

ពណ៌ ស នឹងមិនធ្វើឲ្យក្រុមបច្ចេកទេសពិបាករកកំហុសឆ្គងនៅលើយន្តហោះឡើយ ដូចជា ស្នាមប្រេះ និងការលិចធុងសាំង ជាដើម។

ករណីសង្គ្រោះបន្ទាន់

កាលណាបើយន្តហោះជួបឧបទ្ទវហេតុ នោះវានឹងជួយឲ្យអ្នកសង្គ្រោះងាយស្រួលរុករកឃើញពីលើអាកាស។

ការទប់ស្កាត់បក្សីមិនឲ្យហោះចូលយន្តហោះ

យោងតាមការសិក្សារបស់អាមេរិកមួយនៅក្នុងសៀវភៅ Human-Wildlife Interactions ក្នុងឆ្នាំ២០១១ បានបង្ហាញថា ពពួកសត្វស្លាបគឺមិនងាយហោះសំដៅទៅរកពណ៌ ស ឬពណ៌ដែលមានពន្លឺចាំងទេ៕