ឧបនាយករដ្ឋមន្រ្តីវៀតណាម ស្នើសុំការគាំទ្រពីកម្ពុជា
- 2019-12-13 06:58:00
- ចំនួនមតិ 0 | ចំនួនចែករំលែក 0
ឧបនាយករដ្ឋមន្រ្តីវៀតណាម ស្នើសុំការគាំទ្រពីកម្ពុជា
ចន្លោះមិនឃើញ
ក្នុងជំនួបជាមួយសម្តេច ហ៊ុន សែន នាព្រឹកថ្ងៃទី១៣ ខែធ្នូ ឆ្នាំ២០១៩ នៅវិមានសន្តិភាព លោក ជឿង ហ័របិញ ឧបនាយករដ្ឋមន្រ្តីប្រចាំការនៃប្រទេសវៀតណាម បានលើកឡើងថា វៀតណាមនឹងធ្វើជាម្ចាស់ផ្ទះនៃកិច្ចប្រជុំអាស៊ាននៅឆ្នាំក្រោយនេះ ហើយនឹងក្លាយទៅជាសមាជិកមិនអចិន្ត្រៃយ៍នៅអង្គការសហប្រជាជាតិផងដែរ។ ក្នុងន័យនេះ លោកបានស្នើសុំឲ្យកម្ពុជាគាំទ្រ និងសហការគ្នាធ្វើយ៉ាងណាឲ្យកិច្ចសហប្រតិបត្តិការរវាងប្រទេសទាំងពីរកាន់តែមានការរីកចម្រើនខ្លាំងឡើងថែមទៀត។
ក្នុងឱកាសនេះ លោក ជឿង ហ័រប៊ិញ ពាំនាំការផ្ដាំផ្ញើការសួរសុខទុក្ខពីប្រមុខរដ្ឋ និងពីនាយករដ្ឋមន្រ្តីវៀតណាម គោរពជូនសម្ដេចតេជោ និងគោរពអញ្ជើញសម្ដេចតេជោ ទៅធ្វើទស្សនកិច្ចនៅប្រទេសវៀតណាមនៅពេលសមស្របខាងមុខ។
លោកបានសម្តែងនូវការរីករាយជាមួយនឹងទំនាក់ទំនង និងកិច្ចសហប្រតិបត្តិការទ្វេភាគីរវាងកម្ពុជា និងវៀតណាមលើគ្រប់វិស័យជាពិសេសលើវិស័យការពារជាតិ លើវិស័យសន្តិសុខសណ្តាប់ធ្នាប់តាមព្រំដែន វិស័យសេដ្ឋកិច្ចក៏ដូចជាវិស័យពាណិជ្ជកម្មផងដែរ។ក្នុងន័យនេះ លោកមានប្រសាសន៍ថា ពាណិជ្ជកម្មកម្ពុជា និងវៀតណាម អាចឈានទៅដល់តាមការកំណត់៥ពាន់លានដុល្លារសហរដ្ឋអាមេរិចនៅឆ្នាំ២០២០នេះ។
ជាការឆ្លើយតប សម្ដេចតេជោនាយករដ្ឋមន្ត្រីអបអរសាទរ និងជូនពរដល់ប្រទេសវៀតណាមដែលបានទទួលធ្វើជាម្ចាស់ផ្ទះនៃកិច្ចប្រជុំកំពូលអាស៊ាននៅឆ្នាំក្រោយនេះ ហើយក៏ជាសមាជិកមិនអចិន្ត្រៃយ៍នៃអង្គការសហប្រជាជាតិជាតិនៅឆ្នាំក្រោយនេះផងដែរ ក្នុងន័យនេះសម្ដេចតេជោ បានលេីកឡេីងថា កម្ពុជានៅឆ្នាំក្រោយនេះនឹងទទួលធ្វើជាម្ចាស់ផ្ទះកិច្ចប្រជុំកំពូលអាស៊ីអឺរ៉ុបក្នុងនៅនេះគប្បីណាប្រទេសទាំងពីរសហការគ្នារួមគ្នាគាំទ្រគាំទ្រគ្នាទៅវិញទៅមកទាំងនៅកិច្ចប្រជុំនៅវៀតណាម និងកិច្ចប្រជុំនៅក្នុងប្រទេសកម្ពុជាទទួលបាននូវភាពជោគជ័យឲ្យកិច្ចសហប្រតិបត្តិការនៃប្រទេសទាំងពីរនេះបានរីកចម្រើនឡើងថែមទៀត។
សម្តេចបញ្ជាក់ថា អញ្ជើញទៅធ្វើទស្សនកិច្ចកិច្ចនៅប្រទេសវៀតណាមក្នុងពេលវេលាសមស្របណាមួយខាងមុខ។
ដោយឡែកពាក់ព័ន្ធទៅនឹងកិច្ចសហប្រតិបត្តិការទ្វេភាគីរវាងកម្ពុជា និងវៀតណាមនោះ សម្ដេចតេជោ បានសម្ដែងនូវការអបអរសាទរវឌ្ឍនភាពនៃការអភិវឌ្ឍរបស់ប្រទេសវៀតណាម និងក៏បានសំដែងនូវការរីករាយផងដែរ ជាមួយនឹងកិច្ចសហប្រតិបត្តិការរវាងប្រទេសទាំងពីរ៕
អត្ថបទ និងរូបថត៖ ហ្វេសប៊ុកសម្តេច ហ៊ុន សែន