ក្រសួងនឹងពិនិត្យកែតម្រូវចំពោះលេខពិសេសដែលមានពាក្យមិនសមរម្យ
- 2020-01-08 02:24:30
- ចំនួនមតិ 0 | ចំនួនចែករំលែក 0
ក្រសួងនឹងពិនិត្យកែតម្រូវចំពោះលេខពិសេសដែលមានពាក្យមិនសមរម្យ
ចន្លោះមិនឃើញ
ក្រសួងសាធារណការ និងដឹកជញ្ជូន បានឱ្យដឹងនៅព្រឹកថ្ងៃទី៨មករានេះថា លទ្ធផលនៃការស្វែងរកលេខពិសេសផ្ទាល់ខ្លួន ត្រូវបានបង្កើត និងគណនាតម្លៃដោយស្វ័យប្រវត្តិពីក្នុងប្រព័ន្ធ។ ក្នុងករណីពាក្យដែលនៅក្នុងផ្លាកលេខ មិនមានភាពសមរម្យ ឬបង្កការប៉ះពាល់ណាមួយ គឺសាធារណជនអាចផ្តល់មតិយោបល់ ទៅកាន់ក្រសួងដើម្បីពិនិត្យលទ្ធភាពក្នុងការកែតម្រូវ៕
សូមជម្រាបថា កាលពីថ្ងៃទី៧ ខែមករា ឆ្នាំ២០២០ ក្រសួងសាធារណការ និងដឹកជញ្ជូន បានធ្វើពិធីបើកដំណើរការជាផ្លូវការ ការលក់លេខចុះបញ្ជីពិសេសផ្ទាល់ខ្លួនសម្រាប់រថយន្ត។ ការបើកឱ្យដំណើរការជាផ្លូវការនៃការលក់លេខចុះបញ្ជីពិសេសផ្ទាល់ខ្លួនសម្រាប់រថយន្តនេះ ធ្វើឡើងក្នុងគោលបំណងដើម្បីបំពេញតម្រូវការ និងផ្តល់ជម្រើសជូនប្រជាពលរដ្ឋ ដែលចង់បានលេខចុះបញ្ជីមានលក្ខណៈពិសេសផ្ទាល់ខ្លួន ដែលបង្ហាញពីអត្តសញ្ញាណកម្ពុជាលើឆាកអន្តរជាតិ អាចកៀរគរចំណូលបន្ថែមជូនជាតិ និងដើម្បីឱ្យម្ចាស់រថយន្តអាចរក្សាលេខនោះទុកសម្រាប់ចុះបញ្ជីលើរថយន្តថ្មីរបស់ខ្លួនក្រោយៗទៀត៕