NASA រកឃើញភពមួយដែលមានទំហំប៉ុនផែនដី

2020-01-09 04:24:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អង្គការ NASA កាលពីដើមសប្តាហ៍នេះ បានប្រកាសពីការរកឃើញភពមួយប៉ុនផែនដីហៅថា «TOI 700 d» ដែលស្ថិតនៅចម្ងាយ ១០០លានឆ្នាំពន្លឺ។ ការរកឃើញនេះ តាមរយៈតេឡេស្កុប TESS របស់ NASA។

ភពនេះ ធ្វើគោរចរជុំវិញផ្កាយមួយ ដែលមានទំហំប្រមាណ ៤០ភាគរយនៃព្រះអាទិត្យ។ សីតុណ្ហភាពរបស់ភពនេះ អាចឱ្យជីវិតរស់នៅបាន ពោលគឺក្តៅល្មម ហើយថែមទាំងមានទឹកទៀតផង។

លោក Emily Gilbert អ្នកវិទ្យាសាស្រ្តមកពីសាកលវិទ្យាល័យ Chicago បានអះអាងថា ភព TOI 700 d គឺជាគោលដៅដ៏ល្អបំផុតសម្រាប់ការអង្កេតបន្ថែម ដើម្បីស្វែងយល់ថាតើវាពិតជាមានលក្ខខណ្ឌសមស្របសម្រាប់ជីវិតរស់នៅ ឬយ៉ាងណា។

ចំណែកលោកស្រី Gabrielle Engelmann-Suissa នៅមជ្ឈមណ្ឌលហោះហើរអវកាស Goddard នៃអង្គការ NASA បានឱ្យដឹងថា ក្រុមការងាររបស់លោកស្រីកំពុងពិនិត្យស្ថានភាពផ្ទៃដី និងបរិយាកាសដ៏មានសក្តានុពលរបស់ភពនេះហើយ៕

ប្រភព៖ Businessinsider ប្រែសម្រួល៖ សំភី