ពីឡុតជនជាតិបារាំង ចង់វិនិយោគវិស័យអាកាសចរណ៍នៅខេត្តបាត់ដំបង
- 2020-01-14 08:27:35
- ចំនួនមតិ 0 | ចំនួនចែករំលែក 0
ពីឡុតជនជាតិបារាំង ចង់វិនិយោគវិស័យអាកាសចរណ៍នៅខេត្តបាត់ដំបង
ចន្លោះមិនឃើញ
លោក ងួន រតនៈ អភិបាលខេត្តបាត់ដំបង បានទទួលសម្តែងការគួរសមជាមួយលោក Emmanuel DIAS ដែលជាពីឡុត និងជាអ្នកគ្រប់គ្រងទូទៅ របស់គម្រោង Airaviata(AAT) Cambodia Regional Airlines Company នៅសាលាខេត្តបាត់ដំបង នាព្រឹកថ្ងៃទី១៤ ខែមករា ឆ្នាំ២០២០។
ក្នុងជំនួបនេះ លោក Emmanuel DIAS បានធ្វើបទបង្ហាញអំពីគម្រោងជូន លោកអភិបាលខេត្ត ហើយលោកមានបំណងមកវិនិយាគលើវិស័យអាកាសចរណ៍ដឹកអ្នកដំណើរដោយការហោះហើរជើងក្នុងស្រុក និងយន្តហោះប្រភេទខ្នាតតូច។ លោកបន្តថានេះក៏ជាការជួយជំរុញវិស័យទេសចរណ៍ក្នុងខេត្តបាត់ដំបងផងដែរ។
លោក ងួន រតនៈ បានស្វាគមន៍ និងគាំទ្រចំពោះគម្រោងចង់វិនិយោគលើវិស័យនេះ ក៏ដូចជាធ្វើឲ្យព្រលានយន្តហោះខេត្តបាត់ដំបង មានដំណើរការឡើងវិញ។ លោកថា បើគម្រោងនេះទទួលបានជោគជ័យ គឺងាយស្រួលដល់អ្នកធ្វើដំណើរ ជាពិសេសគឺភ្ញៀវទេសចរដែលធ្វើដំណើរបានលឿនទៅរាជធានីភ្នំពេញ និងតាមបណ្តាខេត្តមួយចំនួនទៀត៕
អត្ថបទ និងរូបថត៖ រដ្ឋបាលខេត្តបាត់ដំបង