អ្នកជិះឡានក្រុង នឹងអាចសាកប្រើម៉ូតូអគ្គិសនី សម្រាប់ជិះទៅគោលដៅបន្ទាប់

2020-01-21 07:43:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅព្រឹកថ្ងៃអង្គារ ទី២១ ខែមករា ឆ្នាំ២០២០ លោក អ៊ាន សុឃីម អភិបាលរដ្ឋាករស្វយ័តដឹកជញ្ជូនសាធារណៈរថយន្តក្រុង(City Bus)រាជធានីភ្នំពេញ បានជួបប្រជុំពិភាក្សាការងារជាមួយក្រុមជំនាញការ JICA និងក្រុមហ៊ុនអូយីកា OYIKA.,Co.,Ltd. អំពីការត្រៀមដាក់ឲ្យប្រើប្រាស់សាកល្បងម៉ូតូអគ្គិសនី (e-bike) នៅតាមគោលដៅចំណតរង់ចាំរថយន្តក្រុង។

ការដាក់ឲ្យប្រើប្រាស់សាកល្បងម៉ូតូអគ្គិសនី នៅតាមគោលដៅចំណតរង់ចាំនេះគឺក្នុងគោលបំណងជួយសម្រួលដល់ការធ្វើដំណើររបស់បងប្អូនប្រជាពលរដ្ឋជិះបន្តទៅកាន់គោលដៅបន្ទាប់ទៀត។

គួរដឹងក្រុមហ៊ុនអូយីកាគឺជាក្រុមហ៊ុនសិង្ហបុរី ដែលសាងសង់នូវហេដ្ឋារចនាសម្ព័ន្ធនៃអាគុយដែលដោះដូរបាន និងស្ថានីយសាកភ្លើងអាគុយ សម្រាប់យានយន្តអគ្គិសនី។ ក្រុមហ៊ុននេះបានបើកដំណើរការប្រតិបត្តិការរបស់ខ្លួនដំបូងគេនៅប្រទេសកម្ពុជា ហើយនៅឆ្នាំ ២០២០ នេះនឹងបន្តបើកដំណើរការនៅឥណ្ឌូណេស៊ី និងវៀតណាម៕

អត្ថបទ៖ សុខហេង