ប្រមុខរដ្ឋឡាវ សរសើរថា ជីវភាពរស់នៅរបស់ប្រជាជនខ្មែរមានភាពល្អប្រសើរ
- 2020-02-10 01:39:58
- ចំនួនមតិ 0 | ចំនួនចែករំលែក 0
ប្រមុខរដ្ឋឡាវ សរសើរថា ជីវភាពរស់នៅរបស់ប្រជាជនខ្មែរមានភាពល្អប្រសើរ
ចន្លោះមិនឃើញ
លោក ប៊ុនញ៊ុំាង វរជីត អគ្គលេខាបក្ស និងជាប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ បានថ្លែងថា ក្នុងរយៈពេល ២ឆ្នាំកន្លងមកនេះ លោកបានមកកម្ពុជា ហើយបានសង្កេតឃើញថា ប្រទេសកម្ពុជាមានការរីកចម្រើនយ៉ាងឆាប់រហ័សជាទីបំផុត ចំពោះប្រជាពលរដ្ឋកម្ពុជាវិញ ក៏មានជីវភាពរស់នៅល្អប្រសើរផងដែរ។ លោកថ្លែងដូច្នេះ ក្នុងជំនួបជាមួយសម្តេចនាយករដ្ឋមន្រ្តី ហ៊ុន សែន កាលពីថ្ងៃទី៩ ខែកុម្ភៈ ឆ្នាំ២០២០។
លោកលើកឡើងថា ជារៀងដរាបមក កម្ពុជា និងឡាវជាមិត្តជិតស្និតជាទីបំផុត ហើយក៏ជាមិត្តដែលបានជួយគ្នាទៅវិញទៅមក ក្នុងន័យនេះ គឺបានបង្កនូវលក្ខណៈឲ្យប្រទេសទាំងពីរជាប្រទេសភូមិផងរបងតែមួយ ជាប្រទេសជិតខាងដ៏ល្អ ហើយក៏ជាប្រទេសដែលមានកំណើនពាណិជ្ជកម្មទៅវិញទៅមកកាន់តែកើនឡើងល្អ ជាងនេះទៀតក៏មានសុវត្ថិភាពល្អផងដែរនៅតាមព្រំដែន។
សម្ដេចតេជោ ហ៊ុន សែន បានឯកភាពនិង បានវាយតម្លៃខ្ពស់អំពីទំនងល្អរវាងប្រទេសទាំងពីរដែលបានលើកឡើងដោយលោក ប៊ុនញ៉ាំង វរជីត ហើយ សម្ដេចតេជោ បានលើកទឹកចិត្តធ្វើយ៉ាងណាយើងគម្បីជំរុញឲ្យទំនាក់ទំនងល្អនេះកាន់តែស៊ីជម្រៅថែមទៀត ស្របតាមអ្វីដែលភាគីទាំងពីរបានចុះហត្ថលេខាក្នុងនាមជាដៃគូយុទ្ធសាស្ត្រគ្រប់ជ្រុងជ្រោយផង។
ជាងនេះទៅទៀត សម្ដេចតេជោបានមានប្រសាសន៍ ថា គប្បីណាតាមព្រំដែនអាជ្ញាធរដែនដីទាំងសងខាងដែលបានដើរតួយ៉ាងសំខាន់ជំរុញទំនាក់ទំនងឲ្យបានយ៉ាងជិតស្និទ្ធ ហើយអាចបង្កើតឲ្យមានកម្មវិធីកីឡារួមគ្នាផង ដែលធ្វើយ៉ាងណាឲ្យទំនាក់ទំនងល្អនេះឈានដល់ការដោះស្រាយរាល់បញ្ហាផ្សេងៗដែលកើតមានឡើងនៅតាមព្រំដែន។
ទន្ទឹមនឹងនេះ សម្ដេចតេជោនាយករដ្ឋមន្ត្រី បានសង្កត់ធ្ងន់ថាមិនត្រឹមតែអាជ្ញាធរដែនដីទេ ក័ងទ័ពនៃប្រទេសទាំងពីរ ក៏គប្បីដែលជំរុញទំនាក់ទំនង់ឲ្យបានកាន់តែជិតស្និតផងដែរ ព្រោះកាលណាមានភាពជិតស្និតហើយទោះបីមានរឿងអ្វីក៏អាចដោះស្រាយ និង ពិភាក្សាគ្នាបានដែរ៕
អត្ថបទ និងរូបថត៖ ហ្វេសប៊ុកសម្តេច ហ៊ុន សែន