ភ្ញៀវទេសចរនៅលើនាវា Westerdam អាចនៅកម្សាន្តខេត្តព្រះសីហនុ និងសៀមរាបបាន

2020-02-14 03:05:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេច ហ៊ុន សែន បានប្រកាសអនុញ្ញាតឲ្យភ្ញៀវចាកចេញពីលើនាវា Westerdam អាចមកទស្សនកិច្ចនៅក្នុងខេត្តព្រះសីហនុ និងសៀមរាបតាមដែលអាចធ្វើទៅបាន។ ទន្ទឹមនឹងនេះដែរ សម្ដេចក៏ បានណែនាំឲ្យម្ចាស់សណ្ឋាគារ និងភោជនីយដ្ឋានទាំងអស់មិនត្រូវមានការរើសអើងណាមួយចំពោះពួកគេនោះទេ។ នេះបើតាមការបញ្ជាក់របស់ សម្ដេចក្នុងពេលអញ្ជើញទៅទទួល ស្វាគមន៍អ្នកដំណើរនៅលើនាវាទេសចរណ៍ Westerdam នៅកំពង់ផែក្រុងព្រះសីហនុ នៅថ្ងៃទី ១៤ កុម្ភៈ នេះ។

រូបភាព៖ ហ្វេសបុក សម្ដេច ហ៊ុន សែន

សម្តេចបានបញ្ជាក់ថា ក្នុងកំឡុងពេលស្នាក់នៅក្នុងប្រទេសកម្ពុជាគឺកម្ពុជាមិនគិតកម្រៃវីសា និងសេវាផ្សេងៗឡើយ។ សម្តេចនាយករដ្ឋមន្ត្រីបានប្រកាសស្វាគមន៍ដល់នាវាខ្នាតយក្សរបស់អាមេរិកនេះបើចង់បន្តចតក្នុងរយៈពេល ១ខែទៀតក៏បានដែរ ឬនៅពេលក្រោយបើនាវាទេសចរណ៍នេះចង់មកកម្ពុជាទៀតគឺកម្ពុជារង់ចាំទទួលស្វាគមន៍ដោយក្តីរីករាយជានិច្ច។

សម្តេច នាយករដ្ឋមន្ត្រី ក៏បានក៏ជួយសម្របសម្រួលដល់អ្នកដំណើរមួយចំនួនផ្ទេរតាមយន្តហោះទៅកាន់ប្រទេសរៀងៗខ្លួនរបស់ពួកគេវិញផងដែរ និងជូនពរដល់ភ្ញៀវទេចរទាំងអស់ធ្វើដំណើរដោយសប្បាយរីករាយ និងជួបតែសេចក្តីសុខ សេចក្តីចម្រើនគ្រប់ៗគ្នា ជាពិសេសនៅក្នុងថ្ងៃបុណ្យនៃក្តីស្រឡាញ់ថ្ងៃនេះ៕

អត្ថបទ៖ ម៉េងងី