NASA នឹងបញ្ជូនយានអវកាសខ្លួន ទៅកាន់ព្រះអាទិត្យ ក្នុងបេសកកម្មមួយ នាឆ្នាំក្រោយ

2017-05-27 08:28:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ភ្នាក់ងារអវកាស NASA នឹងធ្វើបទបង្ហាញស៊ីជម្រៅពីបេសកកម្មឆ្ពោះចូលទៅក្នុងបរិយាកាសរបស់ព្រះអាទិត្យ ឬ គម្រោង Solar Prob Plus នាថ្ងៃទី៣១ ខែឧសភា ឆ្នាំ២០១៧ ខាងមុខនេះ។

បេសកកម្មនេះ នឹងត្រូវចាប់ផ្ដើមនាឆ្នាំ២០១៨ ដោយការបាញ់បង្ហោះយានអវកាសមួយគ្រឿងចេញពីផែនដី ហើយវានឹងធ្វើដំណើរចូលទៅក្នុងគន្លងកៀកព្រះអាទិត្យដ៏សែនក្ដៅ ក្នុងចម្ងាយជាង ៦លានគីឡូម៉ែត្រពីគ្នា។

នៅដើមឆ្នាំនេះ NASA បានលាតត្រដាងថា ខ្លួននឹងបញ្ជូនយានអវកាសមួយគ្រឿង ទៅកាន់ព្រះអាទិត្យដើម្បីជួយពួកគេស្វែងយល់ពីសកម្មភាពដ៏គ្រោះថ្នាក់របស់ព្រះអាទិត្យ ដែលអាចគំរាមកំហែងដល់មនុស្សជាតិ។ បេសកកម្មនេះ នឹងធ្វើឲ្យយានអវកាសដដែល ក្លាយជាយានអវកាសដំបូងគេដែលបានស្ថិតនៅចម្ងាយកៀកជាមួយព្រះអាទិត្យជាងយានដទៃៗទៀត ចំនួន ៧ដង។

NASA បានបញ្ជាក់ថា ការសិក្សានេះអាចជួយឲ្យពួកគេយល់ដឹងបន្ថែមពីរូបវិទ្យានៃការកកើតរបស់ផ្កាយ និងអាចពង្រឹងសមត្ថភាពក្នុងការព្យាករអាកាសធាតុនៃលំហ ដែលបានជះឥទ្ធិពលមកលើផែនដី និងផ្កាយរណប ព្រមទាំងអវកាសយានិកដែលកំពុងស្ថិតនៅក្នុងលំហអវកាស៕

ប្រភព៖ Dailymail ប្រែសម្រួល៖ លាភ.