ស៊ិន សក្កដា អន្ទះសាចង់ឃើញរឿង "ហ្លួងព្រះស្ដេចកន" បញ្ចាំងឆាប់ៗ
- 2017-07-13 06:47:31
- ចំនួនមតិ 0 | ចំនួនចែករំលែក 0
ស៊ិន សក្កដា អន្ទះសាចង់ឃើញរឿង "ហ្លួងព្រះស្ដេចកន" បញ្ចាំងឆាប់ៗ
ចន្លោះមិនឃើញ
តារាសម្ដែង កញ្ញា ស៊ិន សក្កដា កំពុងអន្ទះសាចង់ឃើញស្នាដៃដែលជាភាពយន្តបែបប្រវត្តិសាស្ត្រ រឿង “ហ្លួងព្រះស្ដេចកន” ដែលចំណាយទុនផលិតជាង ១លានដុល្លារ សម្ពោធដាក់បញ្ចាំងឆាប់ៗ។
កញ្ញាបន្តថា ការសម្ដែងជាតួអង្គអគ្គមហេសីរបស់ព្រះបាទ ស្រីសុគន្ធបទ ដែលត្រូវសម្ដែងដោយតារាជើងចាស់លោក ទេព រិនដារ៉ូ ក្នុងរឿង ហ្លួងព្រះស្ដេចកន គឺជារឿងដែលកញ្ញាមិនធ្លាប់ជួបប្រទះទាល់តែសោះ តាំងពីចូលប្រឡូកភាពយន្ត។ មិនធ្លាប់ជួបព្រោះតែភាពយន្តនេះបានសម្រិតសម្រាំងជាខ្លាំង និងជាភាពយន្តបែបប្រវត្តិសាស្ត្រដែលកូនខ្មែរគ្រប់រូបត្រូវចងចាំ និងយល់ដឹង។
ស៊ិន សក្កដា ជឿជាក់ថាស្នាដៃដ៏ល្អឯកក្រោមការដឹកនាំរបស់ផលិតករ លោក ម៉ៅ អាយុទ្ធ នឹងធ្វើឱ្យទស្សនាទទួលបានបទពិសោធន៍ថ្មីប្លែកសម្រាប់ខ្សែភាពយន្ត។ កញ្ញាជឿជាក់ដូច្នេះ ព្រោះតែផលិតកររូបនេះ បានយកចិត្តទុកដាក់ និងបញ្ចូលពាក្យពេចន៍ជាច្រើន ធ្វើឱ្យអ្នកទស្សនានឹកស្មានមិនដល់។
មិនត្រឹមតែជឿថាភាពយន្តនេះនឹងអាចទាក់ទាញការគាំទ្របានច្រើនពីទស្សនិកជនប៉ុណ្ណោះទេ តារាសម្ដែងកំពុងមានទីផ្សាររូបនេះអះអាងថា ទីផ្សារសិល្បៈរបស់ខ្លួនក៏អាចបោះជំហានមួយកម្រិតថែមទៀតដែរ ក្រោយពេលដាក់បញ្ចាំងនាពេលឆាប់ៗ។
តាមការគ្រោងទុក ភាពយន្តបែបប្រវត្តិសាស្ត្រ រឿង”ហ្លួងព្រះស្ដេចកន” អាចនឹងសម្ពោធដាក់បញ្ចាំងជូនទស្សនិកជនទស្សនានាចុងខែសីហាខាងមុខ៕