សំបុកសត្វតំណាងជាតិ ត្រូវបានរកឃើញនៅភាគខាងជើងកម្ពុជា

2017-08-02 04:38:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អង្គការ WCS និងក្រសួងបរិស្ថាន បានរកឃើញសំបុកពងកូនសត្វត្រយ៉ងយក្ស ចំនួន ១៩សំបុក នៅតំបន់ខ្ពង់រាបភាគខាងជើងប្រទេសកម្ពុជា ក្នុងខេត្តព្រះវិហារ។ នេះបើតាមអង្គការ WCS បានឲ្យដឹងនៅថ្ងៃទី២សីហានេះ៕

ត្រយ៉ងយក្ស ជាសត្វស្លាបតំណាងឲ្យប្រទេសកម្ពុជា ស្ថិតក្នុងបញ្ជីក្រហមរបស់អង្គការ IUCN ជាប្រភេទរងគ្រោះជិតផុតពូជបំផុតនៅលើសកលលោក។ ពួកវាមានរស់នៅតែក្នុងប្រទេសកម្ពុជា និងឡាវ ប៉ុណ្ណោះ ក្នុងនោះ ៩៩% គឺមានវត្តមាននៅកម្ពុជា។

លោក ថោង សុខា ប្រធានក្រុមស្រាវជ្រាវសត្វព្រៃ ប្រចាំដែនជម្រកសត្វព្រៃឆែប នៃក្រសួងបរិស្ថាន និងអង្គការ WCS បាននិយាយថា គិតត្រឹមខែសីហានេះ ក្រុមស្រាវជ្រាវបានរកឃើញសំបុកត្រយ៉ងយក្សចំនួន ១៩ ក្នុងនោះ ១៤សំបុក ស្ថិតក្នុងដែនជម្រកសត្វព្រៃឆែប និង ៥សំបុកផ្សេងទៀត ស្ថិតក្នុងដែនជម្រកសត្វព្រៃគូលែន ព្រហ្មទេព។

លោករំពឹងថា នឹងមានសំបុកសត្វត្រយ៉ងយក្សថ្មី បន្ថែមទៀតនៅក្នុងដែនជម្រកសត្វព្រៃទាំង២នេះ ព្រោះរដូវកាលបន្តពូជរបស់ពួកវា ចាប់ពីខែមិថុនា ដល់ខែកញ្ញា។ ក្រុមអ្នកស្រាវជ្រាវ កំពុងធ្វើការជាមួយសមាជិកសហគមន៍ដើម្បីត្រួតពិនិត្យ និងការពារសំបុកដែលបានរកឃើញនេះ ព្រមទាំងស្វែងរកសំបុកត្រយ៉ងយក្សថ្មីៗទៀត៕

អត្ថបទ៖ សំភី