ស្ងាត់ៗ K01 លេចមុខសម្ដែងក្នុងខ្សែភាពយន្តខ្នាតធំ

2017-08-15 04:25:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

K01 ដែលត្រូវបានមហាជនស្គាល់តាមរយៈការសម្រួលចរាចរណ៍ផ្សាយផ្ទាល់តាមបណ្ដាញសង្គមហ្វេសប៊ុកនោះ ឥឡូវបានបង្ហាញវត្តមានក្នុងភាពយន្តខ្នាតធំ រឿង "បន្តោងឆ្នាំងដី" របស់ផលិតកម្ម សិល្បៈខ្មែរភាពយន្ត។

លោក K01 បានឲ្យដឹងថា នេះជាលើកទី១ ហើយ ដែលលោកមានឱកាសសម្ដែងខ្សែភាពយន្ត។ លោកថា ការថតខ្សែភាពយន្ត គឺជាក្ដីប្រាថ្នាមួយដែលធ្លាប់ស្រមើស្រមៃជាច្រើនឆ្នាំមកហើយ ហេតុដូច្នេះលោកជឿជាក់ថានឹងអាចសម្ដែងរឿង "បន្តោងឆ្នាំងដី" បានល្អ ឲ្យផលិតកម្មសិល្បៈខ្មែរភាពយន្ត របស់អ្នកនាង ចន ច័ន្ទលក្ខិណា។

នាយ ពែកមី ជាអ្នកនិពន្ធ និងដឹកនាំសម្ដែងរឿងខាងលើ បានរៀបរាប់ថា មូលហេតុដែល K01 ត្រូវបានផលិតករជ្រើសរើសឲ្យសម្ដែង ដោយសារតែផលិតករ យល់ថា K01 ជាបុគ្គលម្នាក់មានជំនាញខាងផ្នែកសម្រួលចរាចរណ៍ និងល្បីល្បាញនៅតាមបណ្ដាញសង្គមហ្វេសប៊ុក ហើយសាច់រឿងនេះ ក៏មានទាក់ទងផ្នែកសម្រួលចរាចរណ៍ដែរ។

ពែកមី បន្តថា ទោះបីនេះជារឿងលើកទី១ សម្រាប់ K01 តែលោកជឿជាក់ថា K01 អាចសម្ដែងបាន ព្រោះរឿងនេះទាក់ទងទៅនឹងជំនាញដែលរូបគេមានស្រាប់ ដូច្នេះគ្មានអ្វីពិបាកឡើយ៕