តារាចម្រៀង ណយ វ៉ាន់ណេត ជួបគ្រោះថ្នាក់ចរាចរណ៍ នៅស្រុកកំពង់សីលា
- 2017-09-09 14:04:12
- ចំនួនមតិ 0 | ចំនួនចែករំលែក 0
តារាចម្រៀង ណយ វ៉ាន់ណេត ជួបគ្រោះថ្នាក់ចរាចរណ៍ នៅស្រុកកំពង់សីលា
ចន្លោះមិនឃើញ
លោក ណយ វ៉ាន់ណេត តារាចម្រៀងជើងចាស់ បានជួបគ្រោះថ្នាក់ចរាចរណ៍ ដោយរថយន្តបាឡែនរបស់លោកបុកជាមួយម៉ូតូមួយគ្រឿង ដែលជិះគ្នា ២នាក់ នៅលើផ្លូវជាតិលេខ៤ ឃុំស្ទឹងឆាយ ស្រុកកំពង់សីលា ខេត្តព្រះសីហនុ ត្រង់ចន្លោះគីឡូម៉ែត្រលេខ ១៥១-១៥២ កាលពីម៉ោង ៨យប់ ថ្ងៃសៅរ៍ ទី៩ ខែកញ្ញានេះ។
ក្នុងហេតុការណ៍នេះ សមត្ថកិច្ចបានឲ្យដឹងថា ភាគីម៉ូតូដែលជិះគ្នា ២នាក់ (ប្រុសម្នាក់ និងស្រីម្នាក់) ស្ត្រីដែលជិះពីក្រោយបានស្លាប់នៅនឹងកន្លែង ចំណែកអ្នកបើកបរម៉ូតូរងរបួសធ្ងន់។ ដោយឡែក តារាងចម្រៀង ណយ វ៉ាន់ណេត ក៏ទទួលរងរបួសផងដែរ។ សមត្ថកិច្ចបានអន្តរាគមន៍ ដើម្បីនាំយកអ្នករបួសទៅសង្គ្រោះភ្លាមៗ។ ចំពោះភាគីបង្កហេតុ នៅមិនទាន់បញ្ជាក់ឲ្យដឹងនៅឡើយទេ៕