មួយថ្ងៃៗ កម្ពុជានាំស្រូវទៅលក់នៅវៀតណាម តាមច្រកខេត្តតាកែវជិត៦០០តោន

2017-09-13 12:40:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្រូវរដូវវស្សា និងស្រូវរដូវប្រាំងរបស់កម្ពុជា ក្នុងមួយថ្ងៃៗប្រមាណ ៥៨៤តោន បាននាំចេញទៅលក់នៅប្រទេសវៀតណាម តាមច្រកផ្លូវទឹកក្នុងស្រុក៤ របស់ខេត្តតាកែវ គឺស្រុកអង្គរបូរី ស្រុកបុរីជលសា ស្រុកកោះអណ្ដែត និងស្រុកគិរីវង់។ នេះជាការលើកឡើងរបស់លោក ញ៉ិប ស៊្រន ប្រធានមន្ទីរកសិកម្មរុក្ខាប្រមាញ់ និងនេសាទខេត្តតាកែវបានឲ្យដឹងកាលពីថ្ងៃទី១២ ខែកញ្ញា ឆ្នាំ២០១៧។

លោកប្រធានមន្ទីរកសិកម្ម ខេត្តតាកែវ បានបន្តថា គិតពីដើមឆ្នាំ២០១៧មកទល់ដើមខែកញ្ញានេះ ការនាំចេញស្រូវទៅលក់នៅវៀតណាម តាមច្រកខេត្តតាកែវ មានចំនួនសរុបប្រមាណជាង ១៤ម៉ឺនតោន។ ចំណែកក្នុងឆ្នាំ២០១៦ ស្រូវនាំចេញតាមច្រកដដែល មានចំនួន ២១ម៉ឺនតោន។

កម្ពុជា មានម៉ាស៊ីនកិនស្រូវកាន់តែច្រើនឡើងមកទល់ពេលនេះ ដែលធ្វើឲ្យប្រជាកសិករនាំយកស្រូវទៅលក់នៅរោងម៉ាស៊ីនកិនស្រូវនៅជិតលំនៅឋានរបស់ពួកគាត់ ហើយកត្តានេះធ្វើឲ្យចំនួនស្រូវនាំយកទៅលក់នៅប្រទេសវៀតណាម កាន់តែមានការថយចុះពីមួយឆ្នាំទៅមួយឆ្នាំ៕