អ្នកចាំទីដៃស្អិត និងខ្សែបម្រើល្អរបស់វៀតណាម អវត្តមានពេលប៉ះកម្ពុជា

2017-09-28 07:17:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកចាំទីដៃទីមួយកូនកាត់រុស្ស៊ី Dang Van Lam របស់ក្រុមជម្រើសជាតិវៀតណាម រួមជាមួយខ្សែបម្រើ Van Minh Tuan នឹងអវត្តមានពីការប្រកួតទល់នឹងក្រុមជម្រើសជាតិកម្ពុជា ក្នុងវគ្គជម្រុះពានរង្វាន់ AFC Asian Cup 2019 នាថ្ងៃទី១០ ខែតុលា ឆ្នាំ២០១៧ ដោយសារបញ្ហារបួស។

Dang Van Lam កំពុងរបួសជើង ចំណែករបួស Vu Minh Tuan មិនទាន់ត្រូវបានបញ្ជាក់នោះទេ។ យ៉ាងណាមិញ គ្រូបង្វឹកបណ្ដោះអាសន្នរបស់ជម្រើសជាតិវៀតណាម លោក Mai Duc Chung អាចនឹងប្រើប្រាស់អ្នកចាំទី Minh Long របស់ក្លឹប Ha Noi FC, Huynh Tuan Linh របស់ក្លឹប Than Quang Ninh ឬ អ្នកចាំទី Tien Dung របស់ក្លឹប Thanh Hoa ។ ការបាត់បង់អ្នកចាំទីកូនកាត់រុស្ស៊ីកម្ពស់ខ្ពស់ខាងលើ ជាបញ្ហាគួរឲ្យបារម្ភមួយសម្រាប់វៀតណាម ព្រោះអ្នកចាំទីរូបនេះហើយ ដែលធ្លាប់ចាប់ឲ្យវៀតណាម រក្សាលទ្ធផលស្មើ ០-០ ទល់នឹងក្រុមខ្លាំងហ្សកដានី កាលពីប្រកួតទីពីរ។

អ្នកចាំទី Dang Van Lam

ចំណែក ខ្សែបម្រើ Dinh Thanh Trung អាចនឹងជំនួស Vu Minh Tuan។ Thanh Trung ជាខ្សែបម្រើដ៏ល្អផងដែរ ដោយរួមចំណែកជួយឲ្យក្លឹប Quang Nam ឈរនៅលេខ២ ក្នុងលីគកំពូលវៀតណាម នាពេលបច្ចុប្បន្ន។