វៀតណាមបាត់បង់កីឡាករសំខាន់ ២រូបបន្ថែមទៀត មុនជួបកម្ពុជា

2017-10-07 07:43:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

វៀតណាម កំពុងជួបវិបត្តិបន្ថែមទៀត បន្ទាប់ពីកីឡាករល្អរបស់ខ្លួនចំនួន ២រូបទៀត នឹងមិនអាចជួយក្រុមរបស់ខ្លួន ពេលប្រកួតទល់នឹងក្រុមជម្រើសជាតិកម្ពុជា ក្នុងវគ្គជម្រុះ AFC Asian Cup។ កីឡាករទាំងពីររូបនេះ គឺខ្សែការពារ Doan Van Hau និងខ្សែប្រយុទ្ធ Ha Duc Chinh ។

គ្រូបង្វឹកបណ្ដោះអាសន្នវៀតណាម លោក Mai Duc Chung បានបញ្ជាក់ថា Doan Van Hau ដែលបានឈ្នះពានរង្វាន់កីឡាករយុវជនល្អបំផុតប្រចាំឆ្នាំរបស់វៀតណាម មានជំងឺគ្រុនផ្ដាសាយ បន្ទាប់ពីធ្វើការហ្វឹកហាត់ កាលពីថ្ងៃទី៦ តុលា។ Van Hau ក៏ធ្លាប់បានរួមចំណែកឲ្យក្រុមវៀតណាមយកឈ្នះកម្ពុជា ដោយលទ្ធផល ១-២ កាលពីខែមុនផងដែរ។

Doan Van Hau (រូបភាព៖ Goal)

ចំណែក ខ្សែប្រយុទ្ធ Ha Duc Chinh បានជួបបញ្ហារបួស អំឡុងពេលប្រកួតវគ្គពាក់កណ្ដាលផ្តាច់ព្រ័ត្រពានរង្វាន់ Vietnam National Cup រវាងក្រុម Da Nang និង Becamex Binh Duong កាលពីម្សិលមិញនេះ។

Ha Duc Chinh (រូបភាព៖ Bongdanet)

គួររំឭកថា កាលពីសប្ដាហ៍មុន សារព័ត៌មានវៀតណាម Zing បានឲ្យដឹងដែរថា អ្នកចាំដៃស្អិតកូនកាត់រុស្ស៊ី Dang Van Lam និងខ្សែបម្រើ Van Minh Tuan អាចត្រូវអវត្តមានពីការប្រកួតជាមួយកម្ពុជា នាថ្ងៃទី១០ ខែតុលា ខាងមុខនេះ៕

ចុចអាន អ្នកចាំទីដៃស្អិត និងខ្សែបម្រើល្អរបស់វៀតណាម អវត្តមានពេលប៉ះកម្ពុជា

ប្រភព៖ Football Tribe ប្រែសម្រួល៖ លាភ.