លោក ប្រាក់ សុវណ្ណារ៉ា លើកយក ១ចំណុចដែលកម្ពុជាមានប្រៀបជាងហ្សកដានី

2017-11-13 04:33:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ្រូបង្វឹកក្រុមជម្រើសជាតិកម្ពុជា លោក ប្រាក់ សុវណ្ណារ៉ា បានបង្ហាញទស្សនៈយល់ឃើញ រវាងក្រុមជម្រើសជាតិកម្ពុជា និងជម្រើសជាតិហ្សកដានី ដោយលោកបានលើកយក ១ចំណុច ដែលកម្ពុជាមានប្រៀបលើក្រុមភ្ញៀវហ្សកដានី គឺកម្លាំងចិត្ត ឬ ចិត្តសាស្ត្រ។

លោក ប្រាក់ សុវណ្ណារ៉ា បានបញ្ជាក់ថា ដោយសារការប្រកួតធ្វើឡើងនៅក្នុងទឹកដីរបស់កម្ពុជា ដូច្នេះកត្តាកម្លាំងចិត្ត នឹងអំណោយផលមកលើក្រុមម្ចាស់ផ្ទះកម្ពុជា។ ប៉ុន្តែក្រៅពីនោះ កម្ពុជា ចាញ់ប្រៀបហ្សកដានី ចំនួន ៣ចំណុចផ្សេងទៀត គឺ បច្ចេកទេស (ល្បិច) កម្លាំង និងល្បឿន។

ក្រុមជម្រើសជាតិកម្ពុជា នឹងបើកទ្វារពហុកីឡដ្ឋានជាតិ ស្វាគមន៍ក្រុមហ្សកដានី ក្នុងការប្រកួតវគ្គជម្រុះពានរង្វាន់ AFC Asian Cup 2019 ក្នុងការប្រកួតទី៥ ពូល C វេលាម៉ោង ៦:៣០នាទីល្ងាច ថ្ងៃទី១៤ ខែវិច្ឆិកា ឆ្នាំ២០១៧។

សូមបញ្ជាក់ថា ហ្សកដានីជាក្រុមខ្លាំង ដែលកំពុងឈរនៅលេខ១ បណ្ដោះអាសន្នក្នុងពូល ដោយមាន ៨ពិន្ទុក្នុង ៤ប្រកួត ស្មើជាមួយវៀតណាម។ ចំណែក កម្ពុជា ទើបតែមាន ៣ពិន្ទុប៉ុណ្ណោះ បន្ទាប់យកឈ្នះអាហ្វហ្គានីស្ថាន ដែលស្ថិតនៅបាតតារាងមាន ២ពិន្ទុ៕

អត្ថបទ៖ លាភ.